ନୂଆଦିଲ୍ଲୀ: ରାଜପଥ ଓ ଜାହାଜ କ୍ଷେତ୍ରରେ ଅତି କମରେ ୫୦ ଲକ୍ଷ ଚାକିରି ସୃଷ୍ଟି କରିବାକୁ ସରକାର ପ୍ରତିଶୃତିବଦ୍ଧ। ଏଥିପାଇଁ ୯ ଲକ୍ଷ କୋଟି ଟଙ୍କାର ବ୍ୟାପକ ପ୍ରକଳ୍ପ ହାତକୁ ନିଆଯିବାର ଯୋଜନା କରାଯାଇଛି। ଗୁରୁବାର ଏ କଥା କହିଛନ୍ତି ସଡକ ପରିବହନ ଓ ଜାହାଜ ଚଳାଚଳ ମନ୍ତ୍ରୀ ନୀତିନ ଗଡ଼କରୀ। ନୂଆଦିଲ୍ଲୀରେ ହାଇୱେଜ୍ ଇକୁଇପମେଣ୍ଟ ଉପରେ ଆୟୋଜିତ ଏକ ସମ୍ମିଳନୀରେ ଯୋଗଦେବା ଅବସରରେ ସେ ଏହି କଥା କହିଥିଲେ
ଗଡକରୀ କହିଥିଲେ, ରାସ୍ତା କ୍ଷେତ୍ରରେ ୫ ଲକ୍ଷ କୋଟି ଟଙ୍କାର କାମ କରିବାକୁ ସରକାର ନିଷ୍ପତ୍ତି ନେଇଛନ୍ତି। ସେହିଭଳି ଜାହାଜ କ୍ଷେତ୍ରରେ ଏକ ଲକ୍ଷ କୋଟି ଟଙ୍କାର କାମ କରିବାକୁ ନିଷ୍ପତ୍ତି ନିଆଯାଇଛି। ଏଣୁ ଆସନ୍ତା ୫ ବର୍ଷରେ ଏହି ଦୁଇ କ୍ଷେତ୍ରରେ ଦେଶରେ ୫୦ ଲକ୍ଷ ଯୁବକ ଯୁବତୀଙ୍କୁ ନିଯୁକ୍ତି ସୁଯୋଗ ମିଳିବ ବୋଲି ଆମେ ନିଶ୍ଚିତ କରୁଛୁ।
ସେ ଆହୁରି ମଧ୍ୟ କହିଥିଲେ ଯେ ଭାରତ ଓ ଶ୍ରୀଲଙ୍କା ମଧ୍ୟରେ ଯୋଗାଯୋଗ ପାଇଁ ୨୨ ହଜାର ଟଙ୍କାର ଏକ ପ୍ରକଳ୍ପ ଉପରେ ସରକାର କାର୍ଯ୍ୟ କରୁଛନ୍ତି। ଏଥିପାଇଁ ଏସିଆନ୍ ଡେଭଲପେମେଣ୍ଟ ବ୍ୟାଙ୍କ ପାଣ୍ଠି ଯୋଗାଇ ଦେବା ବୋଲି କହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
