ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡ଼ିଶା ରିପୋର୍ଟର): ନକଳି ବନ୍ଧୁକରେ ଅସଲି ଲୁଟ୍। ଖେଳଣା ବନ୍ଧୁକ ଦେଇ ଜାତୀୟ ରାଜପଥରେ ଲୁଟ୍‌ କରୁଥିଲେ। ଏଭଳି ଏକ ଲୁଟେର ଗ୍ୟାଙ୍ଗର ଦୁଇଜଣ ସଦସ୍ୟକୁ କମିଶନରେଟ୍‌ ପୋଲିସ ଗିରଫ କରିବାରେ ସଫଳ ହୋଇଛି। ପୋଲିସ ସେମାନଙ୍କଠାରୁ ଗୋଟିଏ ନକଲି ବନ୍ଧୁକ ଓ ୫ ମୋବାଇଲ ଜବତ କରିଛି। ଲୁଟେରାମାନେ ବିଲମ୍ୱିତ ରାତିରେ ଘୂରି ବୁଲନ୍ତି। ସୁଯୋଗ ମିଳିଲେ ନକଲି ବନ୍ଧୁକ ଦେଖାଇ ବାଇକ ଓ ଟଙ୍କା ଲୁଟି କରି ଆଖି ପିଛୁଲାକେ ଚମ୍ପଟ ମାରନ୍ତି।</p> <p>ଗିରଫ ଦୁଇଜଣଙ୍କ ମଧ୍ୟରୁ ଜଣେ ଅଭିଯୁକ୍ତ ଆଇଗିଣିଆ ନିକଟରେ ହୋଇଥିବା ଗୁଳିକାଣ୍ଡରେ ସମ୍ପୃକ୍ତ ଅଛନ୍ତି। ଏହାଛଡ଼ା ବରମୁଣ୍ଡାର ଅଞ୍ଚଳରେ ବ୍ୟବସାୟୀଙ୍କଠାରୁ ଲୁଟ ଓ ବୁଗୁଡା ସୁନା ଲୁଟ ଘଟଣାରେ ମଧ୍ୟ ସଂପୃକ୍ତ ଥିବା ଜଣାପଡିଛି। ଗ୍ୟାଙ୍ଗର ଅନ୍ୟ ଜଣେ ସଦସ୍ୟ ଫେରାର ହୋଇଯାଇଛି। ଏମାନେ ଏନକାଉଣ୍ଟରରେ ଆହାତ ହୋଇଥିବା ବାଲା ଗ୍ୟାଙ୍ଗର ସଦସ୍ୟର। ଫେରାର ଅଭିଯୁକ୍ତକୁ ଗିରଫ କରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ ଚାଲିଛି।</p> <p>ଭୁବନେଶ୍ୱର ଡିସିପି ସତ୍ୟବ୍ରତ ଭୋଇ କହିଛନ୍ତି-“ଗିରଫ ଅଭିଯୁକ୍ତମାନେ ନୟାପଲ୍ଲୀ ଓ ଖଣ୍ଡଗିରି ଥାନା ଅଞ୍ଚଳରେ ନିଜର ଅପରାଧୀକ ସାମ୍ରାଜ୍ୟ ଚଳାଇଥିଲେ। ଏକୁଟିଆ ଦେଖି ଲୋକଙ୍କଠାରୁ ଛଡ଼ାଇବା ପାଇଁ ଉଦ୍ୟମ କରନ୍ତି।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
