ବିଷାକ୍ତ ଖାଦ୍ୟ ଖାଇ ୫୦ ଛାତ୍ରୀ ଅସୁସ୍ଥ

school-student

ବଣାଇ: ବିଷାକ୍ତ ଖାଦ୍ୟ ଖାଇ ସୁନ୍ଦରଗଡ଼ ଜିଲ୍ଲା ଲହୁଣୀପଡ଼ା ବ୍ଲକ କସ୍ତୁରବା ଗାନ୍ଧି ବାଳିକା ବିଦ୍ୟାଳୟର ୫୦ ଜଣ ଛାତ୍ରୀ ଅସୁସ୍ଥ ହୋଇଥିବା ଅଭିଯୋଗ ହୋଇଛି। ସେମାନଙ୍କୁ ଲହୁଣୀପଡ଼ା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି।

ଆଜି ସକାଳେ ଜଳଖିଆରେ ଚୁଡ଼ା, ଉପମା ଓ  ମିଠାଇ ଖାଇବା ପରେ ଛାତ୍ରୀମାନଙ୍କ ପେଟ କାଟିବା ସହିତ ବାନ୍ତି ହୋଇଥିଲା।  ସ୍କୁଲ କର୍ତ୍ତୃପକ୍ଷ ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲେ।

ବିଇଓ ଆହ୍ଲାଦୀନ ନାଏକ କହିଛନ୍ତି,“କେଉଁ କାରଣରୁ ଛାତ୍ରୀମାନେ ଅସୁସ୍ଥ ହେଲେ ଜାଣାପଡ଼ିନି। ତଦନ୍ତ ପରେ ପ୍ରକୃତ କାରଣ ଜଣାପଡ଼ିବ। ଏଥିରେ ଯେଉଁମାନେ ସମ୍ପୃକ୍ତ ଥିବେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।”

ଡାକ୍ତର ଅମରେନ୍ଦ୍ର ମିଶ୍ର କହିଛନ୍ତି,“ଡାକ୍ତରଖାନାରେ ଭର୍ତ୍ତି ହୋଇଥିବା ଛାତ୍ରୀମାନଙ୍କର ବାନ୍ତି ଓ ପେଟ ବଥା ହେଉଥିଲା। ଖାଦ୍ୟ ବିଷାକ୍ତ ଯୋଗୁଁ ଛାତ୍ରୀମାନେ ଅସୁସ୍ଥ ହୋଇଥିବା ଜଣାପଡ଼ିଛି। ଏବେ ସମସ୍ତେ ସୁସ୍ଥ ଅଛନ୍ତି।”

Previous ArticleNext Article

Send this to a friend