ଆଜି ‘ବାଳୁଙ୍ଗା ଟୋକା’ଙ୍କ ଜନ୍ମ ଦିନ: ବୟସ କେତେ ହେଲା ଜାଣିଛନ୍ତି କି? 

anuvab

ଭୁବନେଶ୍ୱର(ଓଡ଼ିଶା ରିପୋର୍ଟର): ନିଷ୍ଠା ଓ ଅଧ୍ୟବସାୟ ଫଳରେ ଓଲିଉଡ୍‌ର ସେ ଜଣେ ସଫଳ ଅଭିନେତା। ସେ ଅଭିନେତା ସହ ରାଜନେତା ମଧ୍ୟ।  ଅନୁମାନ କରନ୍ତୁ, ଆମେ କାହା ବିଷୟରେ କହୁଛୁ। ଆଜ୍ଞା ହଁ, ଆପଣଙ୍କ ଅନୁମାନଟି ପୂରା ଠିକ୍‌। ଆମେ  କହୁଛୁ  ଓଲିଉଡ୍‌ର ସୁପରଷ୍ଟାର ଅନୁଭବ ମହାନ୍ତିଙ୍କ କଥା। ଆଜି ସେ ତାଙ୍କ ୩୬ତମ ଜନ୍ମ ଦିବସ ପାଳନ କରୁଛନ୍ତି। ଏହି ଅବସରରେ ଚାଲନ୍ତୁ ଜାଣିବା ତାଙ୍କ ବିଷୟରେ କିଛି ଖାସ୍‌ କଥା।

Anubhav_Mohantyଅନୁଭବ ମହାନ୍ତି ୧୯୮୧ ମସିହା ଡିସେମ୍ବର ୨୪ ତାରିଖରେ କଟକରେ ଜନ୍ମ ହୋଇଥିଲେ। ସେ କଟକ ସ୍ଥିତ ଡିଏଭି ପବ୍ଲିକ ସ୍କୁଲରେ ନିଜ ସ୍କୁଲ ଶିକ୍ଷା ଶେଷ କରି ଖ୍ରାଷ୍ଟ କଲେଜରୁ ସ୍ନାତକ ଡିଗ୍ରୀ ହାସଲ କରିଥିଲେ। ଯେହେତୁ ସେ ଏତେ ଭଲ ଅଭିନେତା ସମସ୍ତେ ଭାବୁଥିବେ ପିଲାବେଳୁ ବୋଧେ ସେ ଅଭିନେତା ହେବାକୁ ଚାହୁଁଥିବେ। କିନ୍ତୁ ତାହା ସଂପୂର୍ଣ ଭୁଲ୍। ଗତ ଜୁନ୍‌ ମାସରେ ‘ଓଡ଼ିଶା ରିପୋର୍ଟର’କୁ ଦେଇଥିବା ଏକ ସାକ୍ଷତକାରରେ ଅନୁଭବ କହିଥିଲେ ଯେ ଭାରତୀୟ ସେନାରେ ଯୋଗ ଦେବାକୁ ସେ ସ୍ୱପ୍ନ ଦେଖୁଥିଲେ। କିନ୍ତୁ ତାଙ୍କର ସେ ସ୍ୱପ୍ନ ପୂରଣ ହୋଇପାରିଲାନି।

ଫିଲ୍ମକୁ ଆସିବା ପୂର୍ବରୁ ସେ ଓଡ଼ିଆ ଆଲବମ୍‌ କରିବାରେ ସୁଯୋଗ ପାଇଥିଲେ। ଆଲବମ୍‌ ଜଗତରେ ଲୋକପ୍ରିୟତା ହାସଲ କରିବା ପରେ ୨୦୦୪ରେ ପ୍ରଥମେ ସ୍ୱର୍ଗତ ହର ପଟ୍ଟନାୟକଙ୍କ ନିର୍ଦ୍ଦେଶିତ ଫିଲ୍ମ  ‘ଆଇ ଲଭ୍‌ ୟୁ’ରେ ତାଙ୍କୁ ସୁଯୋଗ ମିଳିଥିଲା। ଫିଲ୍ମଟି ଦର୍ଶକଙ୍କ ମନକୁ ବେଶ୍‌ ଛୁଇଁଥିଲା। ଫିଲ୍ମଟି ସୁପରହିଟ୍‌ ମଧ୍ୟ ହୋଇଥିଲା। ତାପରେ ସେ ଅନେକ ଫିଲ୍ମରେ ଅଭିନୟ କରିଥିଲେ। ସେ ବଙ୍ଗାଳି ଫିଲ୍ମରେ ମଧ୍ୟ ଅଭିନୟ କରିଛନ୍ତି। ତାଙ୍କର ପ୍ରଥମ ବଙ୍ଗାଳି ଫିଲ୍ମ ଥିଲା ‘ସାଥୀ ଆମର’। ସେ ୫୦ରୁ ଅଧିକ ଫିଲ୍ମରେ କାମ କରିଛନ୍ତି।

anubhav-mrgଅନୁଭବଙ୍କର ନିଜର ଏକ ପ୍ରଡକ୍ସନ ହାଉସ୍‌ ଅଛି। ଏହାର ନାଁ ବିଷ୍ଣୁପ୍ରିୟା ଆର୍ଟ ଆଣ୍ଡ୍‌ ଗ୍ରାଫିକ୍ସ। ସେ ଅଭିନୟ ସହ ରାଜନୀତିରେ ମଧ୍ୟ ପାଦ ଥାପିଛନ୍ତି। ସେ ଏବେ ରାଜ୍ୟସଭାର ସାଂସଦ ଅଛନ୍ତି। ୨୦୧୪ରେ ସେ ଓଲିଉଡ୍‌ ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କୁ ବିବାହ କରିଥିଲେ।

Previous ArticleNext Article

Send this to a friend