ବାହାହେଉଛନ୍ତି ବାବୁସାନ୍‌! କେତେ ଖୁସି ଶୁଣନ୍ତୁ ତାଙ୍କ ମୁହଁରୁ

ଭୁବନେଶ୍ୱର(ଓଡିଶା ରିପୋର୍ଟର): ବ୍ୟାଣ୍ଡ ବାଜୁଛି ବାଣ ଫୁଟୁଛି। ଢୋଲର ତାଳେ ତାଳେ ନାଚୁଛନ୍ତି ବରଯାତ୍ରୀ। ଆହା କି ନାଚ! ମଉସା ମାଉସୀ ସମସ୍ତେ ବାୟା। ୟାଭିତରେ ପହଁଚିଗଲା ବର ଗାଡି। ଝିଅ ଘର ଲୋକେ ମଧ୍ୟ ସ୍ୱାଗତ କରିବା ପାଇଁ ପୂରା ରେଡ୍ଡି। ସମସ୍ତେ ଧାଡିବାନ୍ଧି ଠିଆ ହୋଇଯାଇଛନ୍ତି। ଫୁଲସଜା ଧଳା କାରରେ ବର ବାବୁ। ହଳଦିଆ ସେରୱାନିରେ ବାବୁସାନ୍‌। ହେଲେ ବାବୁସାନ୍‌ ତ ବିବାହିତ। ପୁଣି ଏ ବିବାହ ବେଶରେ କ’ଣ? ଜମାବି କନଫ୍ୟୁଜ୍‌ ହୁଅନ୍ତୁ ନାହିଁ। କଥା କ’ଣ କି ରିଅଲ୍‌ରେ ନୁହେଁ ରିଲ୍‌ରେ ହେଉଛି ଚକୋଲେଟ୍‌ ବୟଙ୍କ ବାହାଘର।

କାରଣ ଆଗକୁ ଆସୁଛି ତରଙ୍ଗ ସିନେ ପ୍ରଡକ୍ସନ୍ସର ଫିଲ୍ମ ‘ସୁନ୍ଦରଗଡର ସଲମାନ ଖାନ୍‌’। ଯେଉଁଥିର ମୁଖ୍ୟ ଚରିତ୍ରରେ ଅଭିନୟ କରୁଛନ୍ତି ବାବୁସାନ୍‌ ଓ ନବାଗତା ଅଭିନେତ୍ରୀ ଦିବ୍ୟା। ଆଉ ଇଏ ହେଉଛି ଫିଲ୍ମରେ ଚାଲିଥିବା ଏକ ବିବାହ ସିନ୍‌। ବିବାହ ହେବ ଗଙ୍ଗା ସହ ଗିରିଧରର। ତେଣୁ ଏଠି ଏତେ ସଜବାଜ ଓ ଆଡମ୍ବର। ସେପଟେ ନିଜ ବିବାହକୁ ନେଇ ବେସ୍‌ ଖୁସି ଅଛନ୍ତି ବାବୁସାନ୍‌। ଫିଲ୍ମରେ ତାଙ୍କର ଏହି ୧୪ତମ ବିବାହ। ରିଲ୍‌ ଲାଇଫ୍‌ରେ ଏତେ ଥର ବିବାହ କରି ସେ ଖୁସି ଅଛନ୍ତି ବୋଲି କହିଛନ୍ତି।

ହେଲେ ବାସ୍ତବ ଜୀବନରେ ବାବୁସାନ୍‌ ନିଜ ପିଲାବେଳର ବାନ୍ଧବୀ ତୃପ୍ତି ଶତପଥୀଙ୍କୁ ୬ ଜୁଲାଇ ୨୦୧୪ରେ ବିବାହ କରିଛନ୍ତି।

 

Previous ArticleNext Article

Send this to a friend