ଏହି ଅଭିନେତ୍ରୀଙ୍କ ସହ କାମ କରି ବାବୁସାନ୍‌ ଖୁସି: କହିଲେ ଭବିଷ୍ୟତ ଭଲ ଅଛି

ଭୁବନେଶ୍ୱର(ଓଡିଶା ରିପୋର୍ଟର): ଓଲିଉଡ୍‌ର ଚକୋଲେଟ୍‌ ବୟ ବାବୁସାନ୍‌। ଅନେକ୍‌ ହିଟ୍‌ ଫିଲ୍ମ ଦେଇ ସାରିଲେଣି। ବାବୁସାନ୍‌ଙ୍କୁ ପ୍ରତ୍ୟେକ ଫିଲ୍ମରେ ନିଆରା ଓ ଭିନ୍ନ ଚରିତ୍ରରେ ଦେଖିବାକୁ ପାଆନ୍ତି ଦର୍ଶକ।କେବଳ ଚରିତ୍ର ଭିନ୍ନ ନ ଥାଏ। ପ୍ରାୟତଃ ଚଳଚ୍ଚିତ୍ରରେ ବାବୁସାନ୍‌ଙ୍କର ନାୟିକାମାନେ ମଧ୍ୟ ଭିନ୍ନ। ସବୁଥର ନୂଆ ନୂଆ ଅଭିନେତ୍ରୀଙ୍କ ସହ ସେ ଅନ୍‌ସ୍କ୍ରିନ୍‌ ରୋମାନ୍ସ କରନ୍ତି। ଓଲିଉଡ୍‌ରେ ଯଦି ସବୁଠୁ ଆଧିକ ଅଭିନେତ୍ରୀଙ୍କ ସହ କିଏ କାମ କରିଥିବ ତେବେ ସେ ହେଉଛନ୍ତି ବାବୁସାନ୍‌। ଜାଣିଛନ୍ତି ଏଥର ମଧ୍ୟ ସେ ପୁଣି ଆସିଛନ୍ତି। ଜଣେ ନୂଆ ସୁନ୍ଦରୀ ନାୟିକାଙ୍କ ସହ। ରଜରେ ତାଙ୍କ ନୂଆ ଜୋଡିଦାରକୁ ଦେଖିବାକୁ ପାଇବେ ଦର୍ଶକ।

ଓଲିଉଡ୍ ପାଇଁ ନବାଗତା ଥିବା ନାୟିକା ଦିବ୍ୟାଙ୍କ ସହ ଏକାଠି କାମ କରିବେ ବାବୁସାନ୍‌। ତରଙ୍ଗ ସିନେ ପ୍ରଡକ୍ସନ୍ସ ଦ୍ୱାରା ନିର୍ମାଣ କରାଯାଉଥିବା ଫିଲ୍ମ ‘ସୁନ୍ଦରଗଡର ସଲମନ ଖାନ୍‌’ ଫିଲ୍ମରେ ଉଭୟଙ୍କୁ ଲିଡ୍‌ ରୋଲରେ ଦେଖିବାକୁ ମିଳିବ।
ଓଲିଉଡ୍‌ ପାଇଁ ଦିବ୍ୟା ନୂଆ। କିନ୍ତୁ ଅଭିନୟ ଜଗତ ପାଇଁ ନୁହେଁ। ପୂର୍ବରୁ ଦିବ୍ୟା ସଉଥ୍‌ ଫିଲ୍ମ ଏବଂ ମେଗାଧାରାବାହିକରେ ଅଭିନୟ କରିସାରିଛନ୍ତି। ଯେହେତୁ ଦିବ୍ୟାଙ୍କ ଜନ୍ମ ଓଡିଶାରେ ତେଣୁ ତାଙ୍କର ଇଚ୍ଛା କିଛି ଓଡିଆ ଫିଲ୍ମ କରିବେ। ଡେବ୍ୟୁ ଫିଲ୍ମରେ ତାଙ୍କୁ ବାବୁସାନ୍‌ଙ୍କ ପରି ଜଣେ ଅଭିନେତାଙ୍କ ସହ କାମ କରିବାର ସୁଯୋଗ ମିଳିଥିବାରୁ ସେ ବହୁତ ଖୁସି ଅଛନ୍ତି। କେବଳ ଦିବ୍ୟା ନୁହେଁ ବାବୁସାନ୍‌ ମଧ୍ୟ ଦିବ୍ୟାଙ୍କୁ ପ୍ରଶଂସାରେ ପୋତି ପକାଇଛନ୍ତି। କମ୍ ଦିନର ସୁଟିଂ ମଧ୍ୟରେ ସେ ଦିବ୍ୟାଙ୍କୁ ନେଉ ଖୁବ୍‌ ମିଠା ମିଠା କଥା କହିଛନ୍ତି। ଦିବ୍ୟା ଜଣେ ଦକ୍ଷ ଅଭିନେତ୍ରୀ ତା ସହ ପରିଶ୍ରମି ମଧ୍ୟ। ଦିବ୍ୟାଙ୍କ ଭବିଷ୍ୟତ ମଧ୍ୟ ଭଲ ଅଛି ବୋଲି କହିଛନ୍ତି ବାବୁସାନ୍‌।

 

Previous ArticleNext Article

Send this to a friend