ସତରେ କ’ଣ ସମ୍ବଲପୁରୀ ଟ୍ରାକ୍‌ରେ ନାଚୁଛନ୍ତି ବିରାଟ-ଅନୁଷ୍କା? ଦେଖନ୍ତୁ ଭିଡିଓ

birat-1

ଭୁବନେଶ୍ୱର: ବିବାହକୁ ମାସେରୁ ଊର୍ଦ୍ଧ୍ୱ ବିତିଯାଇଥିଲେ ମଧ୍ୟ ବିରାଟ-ଅନୁଷ୍କାକୁ ନେଇ ଚର୍ଚ୍ଚା ଥମୁନି। ବିବାହ ସରିବା ପରେ ଟିମ୍ ଇଣ୍ଡିଆର ଅଧିନାୟକ ବିରାଟ କୋହଲି କ୍ରିକେଟ ସିରିଜ୍‌ ପାଇଁ ଦକ୍ଷିଣ ଆଫିକ୍ରା ଗସ୍ତରେ ଯାଇଥିବା ବେଳେ ସାଙ୍ଗରେ ଅନୁଷ୍କା ଶର୍ମା ମଧ୍ୟ ଅଛନ୍ତି। ସେଠି ମଧ୍ୟ ଉଭୟ ସପିଂ ଗଲେ କି ଆଉ କ’ଣ କଲେ ତାଙ୍କ ଫ୍ୟାନ୍‌ମାନେ ପିଛା ଛାଡ଼ୁ ନାହାନ୍ତି। ସେହିପରି ଲଭ୍‌ ଗେମରେ ଅନୁଷ୍କାଙ୍କ ବିରାଟ ବିଜୟ ହୋଇଥିଲେ ବି  ବିରାଟଙ୍କ କ୍ରିକେଟ ଖେଳର ଭବିଷ୍ୟତ କ’ଣ ହେବ ତାକୁ ନେଇ ମଧ୍ୟ ଗଣନା ଚାଲିଛି। ଅନୁଷ୍କା ବିରାଟଙ୍କ ପାଇଁ ଲକି ନା ଅନଲକି ସାବ୍ୟସ୍ତ ହେବେ ?

କୋହଲିଙ୍କ କ୍ରିକେଟ କ୍ୟାରିୟର ଉପରେ କ’ଣ ପ୍ରଭାବ ରହିବ ? ଏ ସବକୁ ନେଇ ଗପଗୁଲି ଚାଲୁଛି। କାରଣ ଦକ୍ଷିଣ ଆଫ୍ରିକା ଗସ୍ତରେ ଯାଇଥିବା ବିରାଟଙ୍କ ପ୍ରଦର୍ଶନ ନିରାଶଜନକ ରହିଛି। ଚର୍ଚ୍ଚା କେବଳ ଖେଳରେ ସୀମିତ ନାହିଁ।

ଏହି ନବଦମ୍ପତ୍ତିଙ୍କ ରଙ୍ଗିଲା ମୁଡକ୍‌ ନେଇ ବିଭିନ୍ନ ସମୟରେ ବିଭିନ୍ନ ଫଟୋ ଆସୁଥିଲା। ଆଉ ଏବେ ଭିଡିଓ ଆସୁଛି। ଏବେ ଯେଉଁ ଭିଡିଓଟି ସୋସିଆଲ ମିଡିଆରେ ବୁଲୁଛି ସେଥିରେ ଉଭୟେ ସମ୍ବଲପୁରୀ ଟ୍ରାକ୍‌ରେ ନୃତ୍ୟ କରୁଥିବା ଦୃଶ୍ୟମାନ ହେଉଛି। ଗୀତରେ ତାଳେ ତାଳେ ପାଦକୁ ପାଦରେ ମିଶାଇ ହାତକୁ ହାତରେ ଛନ୍ଦି ଗୀତର ମଜା ନେଉଥିବା ଦେଖାଯାଇଛି। ତେବେ ପ୍ରକୃତରେ ସେମାନେ ସମ୍ବଲପୁରୀ ଗୀତରେ ନାଚିଛନ୍ତି ନା ଏହାକୁ ଏଡିଟିଂ କରାଯାଇଛି ତାହା ଜଣାପଡ଼ି ନ ଥିଲେ ମଧ୍ୟ ଉଭୟଙ୍କ କେମେଷ୍ଟ୍ରି ଖୁବ୍‌ ଆକର୍ଷଣୀୟ ହୋଇଛି।

ସମ୍ବଲପୁରୀ ଟ୍ରାକ୍‌ରେ ବିରାଟ-ଅନୁଷ୍କାଙ୍କ ଡ୍ୟାନ୍ସ

ସମ୍ବଲପୁରୀ ଟ୍ରାକ୍‌ରେ ବିରାଟ-ଅନୁଷ୍କାଙ୍କ ଡ୍ୟାନ୍ସକୁ ନେଇ ଚର୍ଚ୍ଚା

Posted by Odisha Reporter on 13 जानेवारी 2018

 

Previous ArticleNext Article

Send this to a friend