କାହିଁକି ବଲିଉଡ୍‌ର ଗୋଟେ ପରେ ଗୋଟେ ଅଫରକୁ ପୁନମ୍‌ କରୁଛନ୍ତି ନା? ଜାଣନ୍ତୁ କାରଣ

ଭୁବନେଶ୍ୱର(ଓଡିଶା ରିପୋର୍ଟର): ଓଲିଉଡ୍‌ର ଚୁଲ୍‌ବୁଲି ନାୟିକା ପୁନମ୍‌ ମିଶ୍ର। ଆଜି ଭାଲେନ୍‌ଟାଇନ୍ ଡେ’ରେ ତାଙ୍କର ହିନ୍ଦୀ ମ୍ୟୁଜିକ୍‌ ଭିଡିଓ ‘ବାଲି ଉମରିୟା’ ରିଲିଜ୍‌ ହୋଇଛି। ଏହାର ନିର୍ଦ୍ଦେଶନା ଦେଇଛନ୍ତି ଡି.କେ । କୋରିଓଗ୍ରାଫି କରିଛନ୍ତି ଅମିତ୍‌। ଗୀତଟିକୁ ଗାଇଛନ୍ତି ତପୁ ମିଶ୍ର। ରିଲିଜ୍‌ ଆରମ୍ଭରୁ ହିଁ ଗୀତକୁ ଦର୍ଶକଙ୍କର ଭଲ ରେସ୍‌ପନ୍‌ସ ମିଳିଛି।

ପୂର୍ବରୁ ପୁନମ ଅନେକ ଓଲିଉଡ ଫିଲ୍ମ ସମେତ ମ୍ୟୁଜିକ୍‌ ଭିଡିଓରେ ମଧ୍ୟ କାମ କରିସାରିଛନ୍ତି। ଓଡ଼ିଆ ଫିଲ୍ମରେ ଜଣେ ନାୟିକ ଭାବରେ ସେ ବେଶ୍ ସଫଳ ମଧ୍ୟ ହୋଇଛନ୍ତି। ‘ବାଇଶି ପାହେଚେ ଖେଳିବ ମୀନ’ ଫିଲ୍ମ ମାଧ୍ୟମରେ ପୁନମ ଓଲିଉଡରେ ଡେବ୍ୟୁ କରିଥିଲେ। ଫିଲ୍ମଟି ୨୦୧୧ରେ ରିଲିଜ୍ ହେବା ସହିତ ଦର୍ଶକୀୟ ଆଦୃତ ଲାଭ କରିଥିଲା। ତା’ପରେ ତାଙ୍କୁ ବାବୁସାନ୍‌ଙ୍କ ସହ ‘ଲଭ୍ ମାଷ୍ଟର’ ଫିଲ୍ମରେ ଦେଖିବାକୁ ମିଳିଥିଲା। ଏଥିସହିତ ପୁନମ ଅନେକ ଓଡ଼ିଆ ଆଲବମ୍‌ ଡକ୍ୟୁମେଣ୍ଟାରି ଫିଲ୍ମରେ ଅଭିନୟ କରିଛନ୍ତି। ଉଭୟ ହିନ୍ଦୀ ଓ ଓଡ଼ିଆ ମ୍ୟୁଜିକ୍‌ ଅଭିନୟ କୁରୁଥିବା ପୁନ ଏବେ ବଲିଉଡ୍‌ରେ ନିଜର ସ୍ଥାନ ପକ୍କା କରିବାକୁ ଚାହୁଁଛନ୍ତି। ସେଥିପାଇଁ ଏହି ଚୁଲବୁଲି ଓଡ଼ିଆ ନାୟିକା ଏବେ ଭୁବନେଶ୍ୱର ଛାଡ଼ି ମୁମ୍ବାଇ ଆଡ଼େ ମୁହାଁଇଛନ୍ତି। ମୁମ୍ବାଇ ଯିବାକୁ ମନବାଳାଇଲେ ମଧ୍ୟ ଓଡ଼ିଆ ଫିଲ୍ମ ପ୍ରତି ତାଙ୍କର ଭଲପାଇବା କମିନାହିଁ। ଭଲ ଓଡ଼ିଆ ଫିଲ୍ମର ଅଫର ମିଳିଲେ ସେ ନିଶ୍ଚୟ ଅଭିନୟ କରିବେ ବୋଲି ପୁନମ କହନ୍ତି।

ରିଲିଜ୍‌ ହୋଇଥିବା ମ୍ୟୁଜିକ୍‌ ଭିଡିଓ ‘ବାଲି ଉମରିୟା’କୁ ନେଇ ସେ ବେଶ ଉତ୍ସାହିତ ଅଛନ୍ତି। ଏହି ମ୍ୟୁଜିକ୍‌ ଭିଡିଓ ସୁଟିଂ ବେଳର କିଛି ଖଟାମିଠା ମୁହୂର୍ତ୍ତ ବିଷୟରେ ଜାଣିବା ପାଇଁ ତାଙ୍କୁ ଭେଟିଥିଲେ ଆମ ଓଡ଼ିଶା ରିପୋର୍ଟରର ପ୍ରତିନିଧୀ। ଆମ କ୍ୟାମେରା ସାମ୍ନାରେ ପୁନମ ସେୟାର କରିଥିଲେ ସୁଟିଂ ବେଳର ମଜା କଥା। ଆଜି ଭାଲେନ୍‌ଟାଇନ୍‌ ଡେ’ରେ ତାଙ୍କ ଲଭ୍‌ କିଏ ସେକଥା କହିଥିଲେ। ଏଥିସହ ବଲିଉଡ୍‌ରୁ ମିଳୁଥିବା ଫିଲ୍ମକୁ ସେ କାହିଁକି ଗ୍ରହଣ କରୁହାଁନ୍ତି ତାର କାରଣ ମଧ୍ୟ ଜଣାଇଥିଲେ। (ଦେଖନ୍ତୁ ଭିଡିଓ)।

Previous ArticleNext Article

Send this to a friend