ନୂଆଦିଲ୍ଲୀ: ଲଣ୍ଡନସ୍ଥିତ ଇଣ୍ଡିଆନ୍ ହାଇକମିଶନଙ୍କ ଦ୍ୱାରା ଆୟୋଜିତ ନୈଶ୍ୟ ଭୋଜିରେ ଭାରତୀୟ କ୍ରିକେଟ୍ ଟିମ୍ ସହ୍ ପୋଜ୍ ଦେଇ ଅଧିନାୟକ ବିରାଟ୍ କୋହଲିଙ୍କ ପତ୍ନୀ ଅଭିନେତ୍ରୀ ଅନୁଷ୍କା ଶର୍ମା ଏବେ ଅଡ଼ୁଆରେ। ଏଥିପାଇଁ ସୋଶାଲ୍ ମଡିଆରେ ପ୍ରଶଂସକମାନେ ‘ବିରୁଷ୍କା’ଙ୍କୁ ଯାବତୀୟ ସମାଲୋଚନା କରିଛନ୍ତି।
ଲଣ୍ଡନ୍ସ୍ଥିତ ଭାରତୀୟ ହାଇକମିଶନ ମଙ୍ଗଳବାର ଇଂଲଣ୍ଡ ଗସ୍ତରେ ଥିବା ଟିମ୍ ଇଣ୍ଡିଆକୁ ରାତ୍ର ଭୋଜନ ପାଇଁ ଆମନ୍ତ୍ରଣ କରିଥିଲେ। ଏହି ଅବସରରେ ଭାରତୀୟ ଟିମ୍ର ସବୁ ସଦସ୍ୟ ଓ କୋଚିଂ ଷ୍ଟାଫ୍ ରାଷ୍ଟ୍ରଦୂତ ଏବଂ ତାଙ୍କ ପତ୍ନୀଙ୍କ ସହ ଫଟୋ ଉଠାଇଥିଲେ।
ତେବେ ଟିମ୍ ଇଣ୍ଡିଆର ଅନ୍ୟ କୌଣସି ଖେଳାଳିଙ୍କ ପତ୍ନୀ ବା ଗାର୍ଲଫ୍ରେଣ୍ଡ୍ ଏଥିରେ ସାମିଲ ହୋଇନଥିବା ବେଳେ କୋହଲି ପତ୍ନୀ ଅନୁଷ୍କା କିନ୍ତୁ ଯୋଗ ଦେଇଥିଲେ।
ବିସିସିଆଇ ନିଜର ଟ୍ୱିଟର ଆକାଉଣ୍ଟରେ ଏହି ଫଟୋକୁ ଅପ୍ଲୋଡ୍ କରିବା ପରେ ଟିମ୍ ଇଣ୍ଡିଆର ଫ୍ୟାନ୍ମାନେ ଏହା ଉପରେ କଡ଼ା ଟିପ୍ପଣୀ ଦେଇଛନ୍ତି।
କିଛି ଲୋକ ଏହା ଏକ ଫ୍ୟାମିଲି ଫଙ୍କସନ୍ ନୁହେଁ ବୋଲି କହିଥିବା ବେଳେ ଆଉ କିଛି ଅନୁଷ୍କା ସବୁଠି ଆଇଟମ୍ ଗାର୍ଲ ହେବାର ଆବଶ୍ୟକତା ନାହିଁ ବୋଲି ମନ୍ତବ୍ୟ ଦେଇଛନ୍ତି।
କିଛି ଫ୍ୟାନ୍ ଏପରି ବି କହିଛନ୍ତି, “ପୂରା ବିଶ୍ୱ କ୍ରିକେଟ୍କୁ ଭଲ ପାଉଛି, ଅନୁଷ୍କାଙ୍କୁ ନୁହେଁ। ତେଣୁ ଆପଣ କେବଳ ବିରାଟ କୋହଲିଙ୍କର ପତ୍ନୀ ହୋଇରହିବା ଉଚିତ। କ୍ରିକେଟ୍ ସହ ଜଡିତ ସବୁ ଉତ୍ସବରେ ସାମିଲ୍ ହେବା ଅନୁଚିତ।”
ଆଉ କିଛି ଲୋକ ଏପରି କାର୍ଯ୍ୟ ଆଦୌ ଗ୍ରହଣୀୟ ନୁହେଁ ବୋଲି କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
