ପୁଣି ବିବାଦରେ କପିଲ୍‌ ଶର୍ମା; ୱେବସାଇଟ୍‌ ସଂପାଦକଙ୍କୁ ଦେଲେ ଏମିତି ଗାଳି

kapilsharma

ମୁମ୍ବାଇ: କପିଲ୍‌ ଶର୍ମା ନିଜ ପାଇଁ ଆଉ ଏକ ସମସ୍ୟାକୁ ଆମନ୍ତ୍ରଣ କରିଛନ୍ତି। ନିକଟରେ ସେ SpotboyE ୱେବ୍‌ସାଇଟ୍‌ର ଏଡିଟର ଭିକି ଲାଲୱାନୀକୁ ଫୋନ୍‌ କରି ଧମକ ଦେଇଛନ୍ତି ଓ ଗାଳିଗୁଲଜ କରିଛନ୍ତି।

ୱେବସାଇଟ୍‌ ପୂରା ଫୋନ୍‌ ରେକର୍ଡଂକୁ ରିଲିଜ୍‌ କରିଛନ୍ତି।  ତାଙ୍କ ନାଁରେ ଏଣୁତେଣୁ ଖବର ପ୍ରକାଶ ପାଉଥିବାରୁ କପିଲ୍‌ ଭିକିଙ୍କୁ ଫୋନ୍‌ କରି କହିଥିଲେ, ‘‘ଆପଣ ମୋ ବିଷୟରେ ଖରାପ ଖବର କାହିଁକି ଛାପୁଛନ୍ତି? ଏକଥା ତ କେବେ ଲେଖି ନାହାନ୍ତି ଯେ ମୁଁ ୟଶରାଜଙ୍କ ‘ବ୍ୟାଙ୍କ ଚୋର୍‌’କୁ ରିଜେକ୍ଟ କରି ଦେଇଥିଲି? ତା’ପରେ ତାହା ଫ୍ଲଫ୍ ମଧ୍ୟ ହୋଇଥିଲା। ଯଦି ଆପଣ ଟଙ୍କା ପାଇଁ ଏହି ସବୁ କରୁଛନ୍ତି, ତେବେ ମୋ ପାଖକୁ ଆସ ମୁଁ ଟଙ୍କା ଦେବି।’’ ତା’ପରେ କପିଲ୍‌ ଗାଳି ଦେବା ଆରମ୍ଭ ମଧ୍ୟ କରିଥିଲେ। ସେ କହିଥିଲେ, ‘‘ତୋ ଝିଅ ମୋ ସହ ଶୋଇବାକୁ ଚାହୁଁଛି। ଏହା ଉପରେ ଲେଖ। ଏହି ସବୁ ଲେଖି ନିଜ ଝିଅକୁ ବିକ୍ରି କରି ଧନୀ ହେଇଯାଅ।’’

ଭିକି ତାଙ୍କୁ କହିଥିଲେ,‘‘ତମେ ମୋ ବିଷୟରେ ଏମିତି କହିପାରିବନି।  ତମକୁ ଇଂରାଜୀ ବି ଠିକ୍‌ରେ ଆସୁନାହିଁ।’’ ଏହାଶୁଣି କପିଲ୍‌ ଆହୁରି ରାଗିଯାଇଥିଲେ ଓ ଆହୁରି ଗାଳି ଦେଇଥିଲେ।

ତା’ପରେ କପିଲ୍‌ଙ୍କ ଫୋନ୍‌ ଆଉ କେହି ଜଣେ ଛଡ଼େଇ ନେଇ ଭିକିଙ୍କୁ ଧମକାଇଥିଲେ। ସେ କହିଥିଲେ ଯେ ତୁମ ପାଇଁ କପିଲ୍‌ ଡିପ୍ରେସନ୍‌କୁ ଚାଲି ଯାଇଛନ୍ତି। ତାଙ୍କ ଦେହ ଖରାପ ହେଉଛି। କପିଲ୍‌ଙ୍କ ବିରୁଦ୍ଧରେ  ଭୁଲ୍‌ ଓ ଗୁଜବ ଖବର ଛାପିବା ବନ୍ଦ କରନ୍ତୁ। ଭିକି ସେହି ବ୍ୟକ୍ତି ଜଣଙ୍କ ପରିଚୟ ବାରମ୍ବାର ପଚାରିବାରୁ ସେହି ବ୍ୟକ୍ତି ଜଣଙ୍କ କହିଥିଲେ ଯେ ସେ କପିଲ୍‌ଙ୍କ ନିଜ ଭାଇ।

 

Previous ArticleNext Article

Send this to a friend