ନ୍ୟାୟ ପାଇଁ ଉଲଗ୍ନ ହୋଇ ପ୍ରତିବାଦ କଲେ ଅଭିନେତ୍ରୀ

Sri Reddy12

ବିଶାଖାପାଟଣା: “ରାତିରେ ହୋଟେଲକୁ ଆସ…..। ତା’ପରେ ଅଭିନୟ କରିବାକୁ ସୁଯୋଗ ଦିଆଯିବ। ନ ହେଲେ ଫିଲ୍ମରେ ଚାନ୍ସ ନାହିଁ। ନିର୍ଦ୍ଦେଶକଙ୍କ ଏପରି ପ୍ରସ୍ତାବରେ ରାଜି ହେଲେନି ଅଭିନେତ୍ରୀ। ତା’ପରେ ତାଙ୍କୁ ଫିଲ୍ମରେ ଅଭିନୟ କରିବାକୁ ସୁଯୋଗ ଦିଆଗଲା ନାହିଁ।” ଏମିତି ସଙ୍ଗୀନ ଅଭିଯୋଗ ଆସିଛି ତେଲୁଗୁ ଫିଲ୍ମ ଇଣ୍ଡଣ୍ଟ୍ରିରୁ। ନ୍ୟାୟ ପାଇଁ ଅଭିନେତ୍ରୀ ଜଣକ ତେଲୁଗୁ ସିନେମା କଳାକାର ସଂଘ ଅଫିସ୍‌ ସମ୍ମୁଖରେ ଅର୍ଦ୍ଧନଗ୍ନ ଅବସ୍ଥାରେ ପ୍ରତିବାଦ କରିଛନ୍ତି।

Sri Reddy3ତେଲୁଗୁ ଫିଲ୍ମ ଜଗତରେ ଶ୍ରୀ ରେଡ୍ଡୀ ଜଣେ ସଫଳ ଅଭିନେତ୍ରୀ। ଫିଲ୍ମରେ ଅଭିନୟ କରିବା ପାଇଁ ସୁରେଶ ଭେମୂଳା ନାମକ ଜଣେ ନିର୍ଦ୍ଦେଶକ ଶ୍ରୀ’ଙ୍କୁ ହାଇଦ୍ରାବାଦରେ ଏକ ନାମୀ ହୋଟେଲରେ ରାତି ବିତାଇବାକୁ ଡାକିଥିଲେ। ମାତ୍ର ଶ୍ରୀ ଏହି ପ୍ରସ୍ତାବରେ ରାଜି ହୋଇନଥିଲେ। ଫଳରେ ତାଙ୍କୁ ସେହି ଫିଲ୍ମ ହରାଇବାକୁ ପଡ଼ିଥିଲା। ମୁମ୍ୱାଇରୁ ଅଭିନେତ୍ରୀ ଆଣି ନିର୍ଦ୍ଦେଶକ ଫିଲ୍ମ ନିର୍ମାଣ କରିଥିଲେ। ଏନେଇ ଶ୍ରୀ ତେଲୁଗୁ ସିନେମା କଳାକାର ସଂଘରେ ଅଭିଯୋଗ କରିଥିଲେ। ମାତ୍ର ଏଥିପ୍ରତି କେହି ନଜର ଦେଲେ ନାହିଁ। ପରେ ଅର୍ଥାତ ଗତ ଶନିବାର ସେ ପୋଲିସ ଦ୍ୱାରସ୍ଥ ହୋଇଥିଲେ। ପୋଲିସ ଘଟଣାର ତଦନ୍ତ କରିବା ପରିବର୍ତ୍ତେ ନିରବ ଦ୍ରଷ୍ଟା ସାଜିଲା। ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କଲା ନାହିଁ। ଏହି ଘଟଣା ପରେ ତେଲୁଗୁ ସିନେମା କଳାକାର ସଂଘ ଶ୍ରୀ’ଙ୍କ ସଦସ୍ୟ ପଦକୁ ରଦ୍ଦ କରିଥିଲା।

Sri Reddy1ନ୍ୟାୟ ପାଇଁ ଶ୍ରୀ ଶନିବାର ତେଲୁଗୁ ସିନେମା କଳାକାର ସଂଘ ଅଫିସ୍‌ ଆଗରେ ଅନଶନରେ ବସିଥିଲେ। ଏହି ସମୟରେ ଦେହରେ ଲୁଗା ନଥିଲା। ମହିଳା ଗଣମାଧ୍ୟମ ପ୍ରତିନିଧିମାନେ ଶ୍ରୀ’ଙ୍କ ଦେହରେ ଲୁଗା ଘୋଡ଼ାଇ ଦେଉଥିବା ବେଳେ ସେ କାଢ଼ି ଦେଉଥିଲେ। ଏପରି ଘଟଣା ତେଲୁଗୁ ସିନେମା ଇଣ୍ଡଷ୍ଟ୍ରିରେ ଆଲୋଡ଼ନ ଖେଳାଇ ଦେଇଛି। ଶ୍ରୀ’ଙ୍କ ଏପରି ପ୍ରତିବାଦକୁ କେତେକ ପ୍ରତିଷ୍ଠିତ ନିର୍ଦ୍ଦେଶକ ଓ ପ୍ରଯୋଜକ ବିରୋଧ ମଧ୍ୟ କରିଛନ୍ତି।

ଏନେଇ ଶ୍ରୀ କହିଛନ୍ତି-“ସମଗ୍ର ଦେଶରେ ତେଲୁଗୁ ସିନେମା ଗୋଟିଏ ଭଲ ଇଣ୍ଡଷ୍ଟ୍ରି ଭାବେ ପରିଗଣିତ ହେଉଥିଲା। କିନ୍ତୁ ଏଠାରେ ସିନେମାରେ ଅଭିନୟ କରିବାକୁ ହେଲେ ତେଲୁଗୁ ଝିଅକୁ ନିର୍ଦ୍ଦେଶକ ଓ ପ୍ରଯୋଜକଙ୍କ ସହିତ ରାତି ବିତାଇବାକୁ ପଡ଼ିଥାଏ। ପରେ ସେମାନଙ୍କୁ ପ୍ରତାରିତ କରାଯାଇଥାଏ।”

Previous ArticleNext Article

Send this to a friend