ଏଥର ସତସତିକା ବାଜିବ ସାହାନାଇ, ରଣବୀରଙ୍କ ହାତ ଧରିବେ…

ranveer

ମୁମ୍ବାଇ: ବଲିଉଡ୍‌ରେ ଏମିତି ଅନେକ ଯୋଡି ଅଛନ୍ତି, ଯାହାଙ୍କର କେମେଷ୍ଟ୍ରି ଖାଲି ରିଲ୍‌ରେ ନୁହେଁ ରିଅଲ ଲାଇଫରେ ବି ଭଲ ଜମିଛି। ସେମାନଙ୍କ ରିଲ୍‌ ଲାଇଫ୍‌ ସହ ରିଅଲ ଲାଇଫ୍‌ ରୋମାନ୍ସକୁ ମଧ୍ୟ ଦର୍ଶକେ ଖୁବ୍‌ ପସନ୍ଦ କରିଛନ୍ତି। ତା ହେଲେ ଭାବିଲେ ଦେଖି ଯଦି ସେମିତି ଗୋଟେ ରୋମାଣ୍ଟିକ୍‌ ଯୋଡିର ବାହାଘର ଖବର ଆପଣଙ୍କ କାନରେ ବାଜେ ତା ହେଲେ କେମିତି ଲାଗିବ ?

ନିଶ୍ଚିତ ଭାବେ ଏମିତି ଏକ ବିବାହ ଖବର ଶୁଣି ଦର୍ଶକେ ଖୁସିରେ ଫାଟିପଡ଼ିବେ। ଆମେ ବି ଆଜି ଏମିତି ଏକ ଯୋଡି ବିଷୟରେ କହିବାକୁ ଯାଉଛୁ ଯାହାଙ୍କ ବାହାଘରକୁ ନେଇ ସେମାନଙ୍କ ଫ୍ୟାନ୍‌ମାନେ ଚାତକ ଭଳି ଚାହିଁ ବସିଛନ୍ତି।

ବିରାଟ-ଅନୁଷ୍କାଙ୍କ ବିବାହ ପରେ ଏବେ ପାଳି ପଡିଛି ଦୀପିକା ପାଦୁକୋନ୍ ଓ ରଣବୀର ସିଂହଙ୍କ । ଦୁହେଁ କୁଆଡେ ବିବାହ ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି। ମିଳିଥିବା ସୂଚନା ଅନୁସାରେ ଯଦି ଏହି କଥା ସତ ହୋଇଥାଏ ତେବେ ଖୁବ୍ ଶୀଘ୍ର ବଲିଉଡ଼ର ଏହି ପାୱାରଫୁଲ କପଲ୍‌ଙ୍କ ଘରେ ଶାହାନାଇ ବାଜିବ।

ପୂର୍ବରୁ ଦୀପିକା-ରଣବୀରଙ୍କ ବିବାହକୁ ନେଇ ଅନେକ ଚର୍ଚ୍ଚା ହୋଇଥିଲେ ମଧ୍ୟ ତାହା କେବେ ସତରେ ପରିଣତ ହୋଇନାହିଁ। ନିକଟରେ ପୁଣି ଉଭୟଙ୍କ ବିବାହକୁ ନେଇ ଚର୍ଚ୍ଚା ଆରମ୍ଭ ହୋଇଛି। ଖବର ମୁତାବକ ବିଗତ ୫ ବର୍ଷ ଧରି ଡେଟିଂ କରୁଥିବା ରଣବୀର ଓ ଦୀପିକା ଚଳିତ ବର୍ଷ ଶେଷରେ ସେମାନଙ୍କର ସମ୍ପର୍କକୁ ବିବାହରେ ରୁପ ଦେବାକୁ ଯାଉଛନ୍ତି। ବିବାହକୁ ନେଇ ଉଭୟ ପରିବାର ପକ୍ଷରୁ ଗତ ସପ୍ତାହରେ ଆଲୋଚନା ହେବାସହ ସେପ୍ଟେମ୍ବର ଓ ଡ଼ିସେମ୍ବର ମଧ୍ୟରେ ସେମାନଙ୍କ ବିବାହ ହୋଇପାରେ ବୋଲି କୁହାଯାଉଛି। ଏନେଇ ୪ଟି ଶୁଭଦିନ ତାରିଖ ଧାର୍ଯ୍ୟ କରାଯାଇଛି।

ଆମେ କୁଆଡୁ ଶୁଣିଛୁ, ଦୀପିକାଙ୍କ ଭଉଣୀ ଅନୀସା ଓ ତାଙ୍କ ମାଆ ବାହାଘର ପାଇଁ ସପିଂ ଆରମ୍ଭ କରିଦେଲେଣି। ଏମିତିକି ସୁନା ଗହଣା କିଣା ମଧ୍ୟ ସରିଲାଣି।

କେବଳ ଏତିକି ନୁହେଁ ବିବାହକୁ ନେଇ ଉଭୟ ପରିବାର ପକ୍ଷରୁ ଏବେଠୁ ପ୍ରସ୍ତୁତି ମଧ୍ୟ ଜୋରଦାର ଆରମ୍ଭ ହୋଇଛି। ତେବେ ବିବାହ ଭାରତରେ ହେବ ନା ବିଦେଶରେ ସେନେଇ ଏପର୍ଯ୍ୟନ୍ତ କିଛି ସ୍ଥିର ହୋଇନାହିଁ। ଅତି ନିକଟତମ ସମ୍ପର୍କୀୟ, ପରିବାର ସଦସ୍ୟ ତଥା ଉଭୟଙ୍କ ଘନିଷ୍ଠ ବନ୍ଧୁମାନଙ୍କୁ ଛାଡ଼ି ଅନ୍ୟମାନେ କେହି ବିବାହରେ ଯୋଗଦେବେ ନାହିଁ ବୋଲି ଜଣାପଡିଛି।

ପୂର୍ବରୁ ଦୀପିକାଙ୍କୁ ତାଙ୍କ ଜନ୍ମଦିନ ଅବସରରେ ରଣବୀରଙ୍କ ମା’ ଏକ ମହଙ୍ଗା ଡାଇମଣ୍ଡ ସେଟ୍ ଗିଫ୍ଟ କରିଥିଲେ। ଏମିତିକି ଡ଼ିଜାଇନର ସବ୍ୟସାଚୀଙ୍କ ଦ୍ୱାରା ଡ଼ିଜାଇନ ହୋଇଥିବା ଏକ ଶାଢ଼ୀ ମଧ୍ୟ ଗିଫ୍ଟ କରିଥିଲେ। ଯାହାକୁ ନେଇ ଆମେ ଅନୁମାନ କରୁଛି ଖୁବ୍‌ ଶିଘ୍ର ହାତଗଣ୍ଠି ପଡୁଛି। ଅବଶ୍ୟ ବିବାହକୁ ନେଇ ଉଭୟଙ୍କ ପକ୍ଷରୁ କୌଣସି ସ୍ପଷ୍ଟୀକରଣ ମିଳିପାରିନାହିଁ।

 

Previous ArticleNext Article

Send this to a friend