ସଲମାନ୍‌ ଏମିତି କ’ଣ କଲେ ଯେ ଶାହାରୁଖ୍‌ ଈର୍ଷାରେ ଜଳିଗଲେ

salman

ମୁମ୍ବାଇ: ସୋନମ୍‌ କପୁର ଓ ଆନନ୍ଦ ଆହୁଜାଙ୍କ ବାହାଘର ମେ’୮ ତାରିଖରେ ସରିଯାଇଛି। କିନ୍ତୁ ଏବେବି ତାଙ୍କ ବାହାଘରକୁ ନେଇ ରହିଛି କ୍ରେଜ୍‌। ତାଙ୍କ ରିସେପ୍‌ସନ୍‌ ପାର୍ଟିର ଅନେକ ଫଟୋ ଏବଂ ଭିଡିଓ ଏବେ ପର୍ଯ୍ୟନ୍ତ ଭାଇରାଲ ହେବାରେ ଲାଗିଛି।  ସେହି ଭିଡିଓଗୁଡିକରେ ଶାହାରୁଖ୍‌ ଖାନ୍‌, ସଲମାନ୍‌ ଖାନ୍‌, ଅନୀଲ କପୁର, ରଣବୀର ସିଂହ, ବରୁଣ ଧୱନ, ସୋନମ୍‌ କପୁର ଓ ଆନନ୍ଦ ଆହୁଜାଙ୍କ ସହ ଆହୁରି ଅନେକ ସେଲିବ୍ରିଟିଙ୍କୁ ଦେଖିବାକୁ ପାଇବେ। କିନ୍ତୁ ସଲମାନ୍‌ ଓ ଜ୍ୟାକ୍‌ଲିନ୍‌ ଫର୍ଣ୍ଣାଣ୍ଡିଜ୍‌ଙ୍କର ଏମିତି ଏକ ଭିଡିଓ ଭାଇରାଲ ହୋଇଛି ଯାହାକୁ ଦେଖିଲା ପରେ ଆପଣ ବି କହିବେ ‘ସଲ୍ଲୁମିଆଁଙ୍କର କି ଷ୍ଟାଇଲ୍‌’।

ସଲମାନ୍‌ ରିସେପ୍‌ସନ୍‌ ପାର୍ଟିରେ ପହଞ୍ଚିଲା ପରେ ସେଠାରେ ଉପସ୍ଥିତ ଅନ୍ୟ ବଲିଉଡ୍‌ ତାରକାଙ୍କ ସହ ଗପସପ କରିଥିଲେ। ପରେ କଣ୍ଠ ଶିଳ୍ପୀ ମିକା ସିଂହ ତାଙ୍କୁ ଷ୍ଟେଜ୍‌ ଉପରକୁ ନେଇ ଯାଇଥିଲେ। ଆଉ ତା’ପରେ ସେ ଷ୍ଟେଜ୍‌ରୁ ଓହ୍ଲେଇବାର ନାଁ ନେଇ ନ ଥିଲେ।

ସଲମାନଙ୍କୁ ଷ୍ଟେଜ୍‌ରେ ଶାହାରୁଖ୍‌ଙ୍କୁ ସମେତ ଆହୁରି ଅନେକ କଳାକାର ସାଥ୍‌ ଦେଇଥିଲେ। ସେମାନଙ୍କ ମଧ୍ୟରେ ଜ୍ୟାକ୍‌ଲିନ୍‌ ମଧ୍ୟ ଥିଲେ।  ସଲମାନ୍‌ ଜ୍ୟାକ୍‌ଲିନ୍‌ଙ୍କ କାନିଧରି ‘ଝୁମେକି ରାତ ହୈ’ ଗୀତରେ ଏମିତି ନାଚିଥିଲେ ଯେ ସମସ୍ତେ ସେ ଦୁହିଁଙ୍କୁ ଚାହିଁ ରହିଲେ। ଏମିତି କି ସଲମାନ୍‌ଙ୍କୁ ଦେଖି ଶାହାରୁଖ୍‌ ବି ଈର୍ଷାରେ ଜଳିଗଲେ। ସେ ଆଉ ରହି ନ ପାରି ସୋନମ୍‌ଙ୍କୁ ଷ୍ଟେଜ୍‌ ଉପରକୁ ଡାକିଆଣି ନାଚିଥିଲେ।

ସଲମାନଙ୍କର ଏହି କାନି ଧରା ନାଚ ସୋସିଆଲ୍‌ ମିଡିଆରେ ଖୁବ୍‌ ଭାଇରାଲ ହେବାରେ ଲାଗିଛି। ଦର୍ଶକେ ଏହାକୁ ଖୁବ୍‌ ପସନ୍ଦ ମଧ୍ୟ କରୁଛନ୍ତି।

 

Previous ArticleNext Article

Send this to a friend