ପରସ୍ପରର ମୁହଁ ବି ଦେଖୁନାହାଁନ୍ତି ଏହି ଦୁଇ ଅଭିନେତା, ସୋନମ୍‌ଙ୍କ ରିସେପ୍‌ସନ୍‌ରେ ହେଲା ପ୍ରମାଣ

salu

ମୁମ୍ବାଇ: ବଲିଉଡ୍‌ ଅଭିନେତା ଅର୍ଜୁନ୍‌ କପୁର ଓ ସଲମାନ୍‌ ଖାନ୍‌ଙ୍କ ସଂପର୍କକୁ ନେଇ ସବୁବେଳେ ଚର୍ଚ୍ଚା ହେଉଥାଏ।  ପୂର୍ବରୁ ସେମାନଙ୍କ ମଧ୍ୟରେ ଭଲ ସମ୍ପର୍କ ଥିଲା।  କିନ୍ତୁ ଦୀର୍ଘଦିନ ହେଲା ଦୁହିଁଙ୍କ ମଧ୍ୟରେ ଅପଡ଼ ହୋଇଯାଇଛି। ଏହାର ପ୍ରମାଣ ଗତକାଲି ସୋନମ୍‌ଙ୍କ ରିସେପ୍‌ସନ୍‌ ପାର୍ଟିରେ ଦେଖିବାକୁ ମିଳିଥିଲା।

କଥା ହେଉଛି ସୋସିଆଲ୍‌ ମିଡିଆରେ କାଲି ରାତିଠାରୁ ଏକ ଭିଡିଓ ଭାଇରାଲ ହେଉଛି। ଆଉ ସେହି ଭିଡିଓ ଆଧାରରେ କୁହାଯାଉଛି ଯେ ଆଜି ବି ଦୁହିଁଙ୍କ ମଧ୍ୟରେ ସଂପର୍କ ଭଲ ନାହିଁ। ରିସେପ୍‌ସନ୍‌କୁ ସଲମାନ୍‌ ଜ୍ୟାକ୍‌ଲିନ୍‌ଙ୍କ ସହ ପହଁଞ୍ଚିଥିଲେ।  ଏଣ୍ଟ୍ରି କରୁ କରୁ ସଲମାନ ପ୍ରଥମେ କ୍ୟାଟ୍ରିନାଙ୍କୁ ସାକ୍ଷତ କରିଥିଲେ। କ୍ୟାଟ୍ରିନାଙ୍କ ପାଖରେ ଅର୍ଜୁନ୍‌ ଓ ବୋନି କପୁର ଠିଆ ହୋଇଥିଲେ। ସେ ସମୟରେ ଅର୍ଜୁନ୍‌ ଓ ସଲମାନ୍‌ ଦୁହେଁ ପରସ୍ପରକୁ ଏଡ଼ାଇ ଯାଇଥିଲେ ଅର୍ଥାତ କେହି କାହା ଆଡ଼କୁ ଚାହିଁ ନଥିଲେ।

 

ଭିଡିଓରେ ବୋନି କପୁର ସଲମାନଙ୍କୁ ଦେଖାକରି ବହୁତ୍‌ ଖୁସି ଦେଖାଯାଉଥିଲେ।  ବୋନି ସଲମାନଙ୍କୁ ତାଙ୍କ ମଥାରେ କିସ୍‌ ବି କରିଥିଲେ।  କୁହାଯାଏ ଯେ ସଲମାନ୍‌ ଖାନ୍‌ ବୋନିଙ୍କର ଖୁବ୍‌ ନିକଟତର।  ଯେବେ ବୋନିଙ୍କର ଆର୍ଥକ ସ୍ଥିତି ଖରାପ ଥିଲା ସେ ସମୟରେ ସଲମାନ କିଛି ଫିସ୍‌  ନ ନେଇ ତାଙ୍କ ଫିଲ୍ମ ‘ନୋ ଏଣ୍ଟ୍ରି’ରେ କାମ କରିଥିଲେ। କିଛି ଦିନ ପୂର୍ବରୁ ଶୁଣିବାକୁ ମିଳିଥିଲା ଦବଙ୍ଗ ଖାନ୍‌ଙ୍କ ସହ ଅର୍ଜୁନ୍‌ ନିଜ ସଂପର୍କ ସୁଧାରିବାକୁ ଚାହୁଁଛନ୍ତି।  କିନ୍ତୁ ଭାଇରାଲ୍‌ ଭିଡିଓରେ ସେମିତି କିଛି ଦେଖିବାକୁ ମିଳିନଥିଲା।

କାହିଁକି ହେଲା ସଂପର୍କ ଖରାପ: ଚର୍ଚ୍ଚା ହେଉଥିଲା ସଲମାନଙ୍କ ଭାଉଜ ମଲାଇକାଙ୍କ ସହ ଅର୍ଜୁନ୍‌ କପୁରଙ୍କ ସହ ଅଫେଆରକୁ ନେଇ  ସଲମାନ୍‌ ରାଗି ଯାଇଥିଲେ।  ସଲମାନ ସେମାନଙ୍କ ସଂପର୍କ ବିଷୟରେ ଜାଣିଲା ପରେ ସେ ଅର୍ଜୁନ୍‌ଙ୍କ ସହ କଥା ହୋଇଥିଲେ। ରିପୋର୍ଟ ମୁତାବକ୍‌ ଅରବାଜ ଓ ମଲାଇକା ମଧ୍ୟରେ  ବିବାହ ବିଚ୍ଛେଦର କାରଣ  ଅର୍ଜୁନ୍‌ ବୋଲି ସଲମାନ୍‌ ମନେକରନ୍ତି। ଅର୍ଜୁନ୍‌ଙ୍କୁ ତାଙ୍କ ବାପା ବୋନି କପୁର ବି ମଲାଇକାଙ୍କ ଠାରୁ ଦୂରେଇ ରହିବାକୁ କହିଥିଲେ।

Previous ArticleNext Article

Send this to a friend