ଏହି ଅଭିନେତ୍ରୀଙ୍କୁ ବାହା ହେବାକୁ ଚାହୁଁଥିଲେ ସଲମାନ୍, କିନ୍ତୁ…

salman

ମୁମ୍ବାଇ: ବଲିଉଡ୍‌ର ଦବଙ୍ଗ ଖାନ୍ ସଲମାନ୍‌ଙ୍କ ସହ ଅନେକ ଅଭିନେତ୍ରୀ ନାଁ ଯୋଡ଼ା ଯାଇଛି। ସେମାନଙ୍କ ମଧ୍ୟରେ ଐଶ୍ୱର୍ଯ୍ୟା ଓ କ୍ୟାଟ୍ରିନାଙ୍କ ନାଁ ବି ରହିଛି। ଐଶ୍ୱର୍ଯ୍ୟା ରାୟଙ୍କୁ ସେ ଖୁବ୍ ଭଲ ପାଉଥିଲେ ଓ ତାଙ୍କୁ ବାହା ହେବାକୁ ଚାହୁଁଥିଲେ। ତାଙ୍କର ଏ ପ୍ରେମ କାହାଣୀ ସମସ୍ତଙ୍କୁ ଜଣା। ତେବେ ସଲମାନ୍‌ଙ୍କ ଆଉ ଏକ ପ୍ରେମ କାହାଣୀ ବିଷୟରେ ଅନେକଙ୍କୁ ଜଣା ନଥିବ। ବଲିଉଡ୍‌ରେ ଆଉ ଜଣେ ଅଭିନେତ୍ରୀଙ୍କୁ ବି ସଲମାନ ଖୁବ୍ ଭଲ ପାଉଥିଲେ ଓ ତାଙ୍କୁ ବାହା ହେବାକୁ ଚାହୁଁଥିଲେ। ଏପରିକି ସେ ଏନେଇ ସେହି ଅଭିନେତ୍ରୀଙ୍କ ବାପାଙ୍କ ପାଖକୁ ପ୍ରସ୍ତାବ ମଧ୍ୟ ପଠାଇଥିଲେ। କିନ୍ତୁ ସେ ରାଜି ହେଲେ ନାହିଁ। ତେଣୁ ସଲମାନ୍ ସେହି ଅଭିନେତ୍ରୀଙ୍କୁ ବାହା ହୋଇପାରିଲେ ନାହିଁ। ଜାଣିଛନ୍ତି, ସେ ଅଭିନେତ୍ରୀ ଜଣକ କିଏ? ସେ ହେଉଛନ୍ତି ଜୁହି ଚାୱଲା। ଏ କଥା ନିଜେ ସଲମାନ୍ କହିଛନ୍ତି।

ପ୍ରାୟ ୨୬ ବର୍ଷ ତଳର ଏକ ଭିଡିଓ ଏବେ ସାମ୍ନାକୁ ଆସିଛି। ଏହା ଏକ ସାକ୍ଷାତକାରର ଭିଡିଓ। ଏହି ଭିଡିଓରେ ସଲମାନ୍‌ ଏ ବିଷୟରେ କହିଛନ୍ତି। ସେ କହିଛନ୍ତି,“ଜୁହି ବହୁତ ସୁନ୍ଦର ଓ ଭଲ ମଧ୍ୟ। ମୁଁ ତାଙ୍କ ବାପାଙ୍କୁ ତାଙ୍କ ହାତ ମାଗିଥିଲି। ତେବେ ସେ ମନା କରି ଦେଇଥିଲେ। ବୋଧହୁଏ ସେ ମତେ ପସନ୍ଦ କରନ୍ତି ନାହିଁ। ତାଙ୍କୁ କ’ଣ ଦରକାର କେଜାଣି?”

ଏ ଭିଡିଓଟି ଏବେ ଭାଇରାଲ୍ ହେଉଛି। ତେବେ ସଲମାନ ଏହି ଭିଡିଓକୁ ନେଇ ଏବେ କିଛି ପ୍ରତିକ୍ରିୟା ଦେଇ ନାହାଁନ୍ତି।

କୁହାଯାଏ ସଲମାନ୍‌ଙ୍କ ସହ ଏକ ଫିଲ୍ମରେ କାମ କରିବାକୁ ଜୁହିଙ୍କୁ ଅଫର୍ ଦିଆଯାଇଥିଲା। କିନ୍ତୁ ଜୁହି ମନା କରି ଦେଇଥିଲେ। ତା’ପରଠାରୁ ସଲମାନ୍‌ ଆଉ ଜୁହିଙ୍କ ସହିତ କାମ କରି ନଥିଲେ।

ୟୁଟ୍ୟୁବ୍‌ରୁ ଅଣାଯାଇଥିବା ସେହି ଭିଡିଓ ଦେଖନ୍ତୁ-

Previous ArticleNext Article

Leave a Reply

Send this to a friend