ମୁଁ ବର୍ଷକୁ ୬୦୦ ରେପ୍‌ ଓ ୬୦୦ ମର୍ଡ଼ର କରେ

sanjany-1

ଭୁବନେଶ୍ୱର: ‘ମୁଁ ବର୍ଷକୁ ୬୦୦ ରେପ୍‌ କରେ। ୬ ୦୦ ମର୍ଡ଼ର କରେ।’  ଏକଥା ଶୁଣି ଆପଣ ଡରିଯାଇଥିବେ ନିଶ୍ଚିତ।  ମନରେ ଧାରଣା ଆସିଥିବ କେବଳ ଏଭଳି ଘୃଣ୍ୟ କାମ କେହି ଜଣେ ଦୁର୍ଦ୍ଦାନ୍ତ ଅପରାଧୀ କିମ୍ବା ହାଇପ୍ରୋଫାଇଲ ଗ୍ୟାଙ୍ଗଷ୍ଟର୍ ହିଁ କରିପାରେ। ଅହୁରି ମଧ୍ୟ ଯଦି କେହି ତାଙ୍କୁ କେସ ଧମକ ଦିଅନ୍ତି ତଥାପି ସେ ଖାତିର କରନ୍ତି ନାହିଁ। ତେବେ ଆଶ୍ଚର୍ଯ୍ୟ ହୁଅନ୍ତୁ ନାହିଁ। କାରଣ ଏଠି ରେପ୍‌ କରୁଥିବା ଏବଂ ମର୍ଡ଼ର କରୁଥିବା ଚରିତ୍ର ଜଣକ ପ୍ରକୃତରେ ଗୁଣ୍ଡା ନୁହଁ କି ଅସାମାଜିକ ବ୍ୟକ୍ତି ନୁହଁ। ସେ କେବଳ ଅଭିନୟରେ ନିଜ କଳାକୁ ଜୀବନ୍ତ କରି ଫୁଟାଇଥାଆନ୍ତି। ଦର୍ଶକଙ୍କ ମନୋରଞ୍ଜନ ପାଇଁ ସେ ଏମିତି ଚରିତ୍ରରେ ଆସିଥାଆନ୍ତି। ଆଉ ସେ ହେଉଛନ୍ତି ଯାତ୍ରା ଜଗତର ବାଦ୍‌ସାହା ତଥା ଦୁର୍ଦ୍ଦାନ୍ତ ଭିଲିୟାନ ସଞ୍ଜୟ ଭୋଳ।

ଯାତ୍ରା ଦୁନିଆର ଦୁର୍ଦ୍ଦାନ୍ତ ଖଳନାୟକ ଅଭିନେତା ଭାବେ ପରିଚିତ ସଞ୍ଜୟ ଓଟିଭି କାର୍ଯ୍ୟକ୍ରମ ଗପସପ୍‌ରେ ସାମିଲ ହୋଇ ନିଜ ଯାତ୍ରା ଅଭିଜ୍ଞତାର ଉପରୋକ୍ତ ମନ୍ତବ୍ୟ ଦେଇଛନ୍ତି। ତାଙ୍କ କହିବା ଅନୁଯାୟୀ ଦର୍ଶକମାନେ ହିଁ ତାଙ୍କୁ  ପ୍ରକୃତ ଖଳନାୟକ ଆସନରେ ହିଁ ବସାଇଛନ୍ତି। ଦର୍ଶକଙ୍କ ଭଲପାଇବା ଏବଂ ସ୍ନେହଶ୍ରଦ୍ଧା  ତାଙ୍କୁ ଯାତ୍ରା ଜଗତରେ ଜଣେ ବଡ଼ଖଳନାୟକ ଚରିତ୍ରରେ ହିଁ ଅବତୀର୍ଣ୍ଣ କରିପାରିଛି। ସେ କୁହନ୍ତି ବର୍ଷକୁ ୩୦୦ ରାତି ଯାତ୍ରାରେ ସେ ଅଭିନୟ କରନ୍ତି। ପ୍ରତ୍ୟେକ ରାତିରେ ଦୁଇଟି ମର୍ଡ଼ର ଏବଂ ଦୁଇଟି ରେପ୍‌ ସିନ୍ ଥିବ ନିଶ୍ଚୟ।

ଆହୁରି ମଧ୍ୟ ପଢନ୍ତୁ: ଛୋଟପରଦାର ଏହି କଳାକାର ମଦ ନିଶାରେ କରିଥିଲେ ହଙ୍ଗାମା

ତେଣୁ ସେ ଅଭିନୟରେ ବର୍ଷକୁ ୬୦୦ ରେପ୍‌  ଓ ୬୦୦ ମର୍ଡ଼ର କରନ୍ତି ବୋଲି କୁହନ୍ତି। ଏଭଳି ଖତରନାକ ଅଭିନୟ ବେଳେ ଯଦି ପରିବାର ଲୋକ ଦେଖୁଥାଆନ୍ତି ସେ ସଙ୍କୋଚ ମନେ କରନ୍ତି କି ନାହିଁ ପ୍ରଶ୍ନର ଉତ୍ତର ଏକଦମ ରୋକଠୋକ୍‌ ଥିଲା। ପରିବାର ଲୋକେ ଥିଲେ ସେ ଆହୁରି ଖୁସି ହୋଇ ଭଲ ଭାବେ ଅଭିନୟ କରନ୍ତି। ସେ ସମୟରେ ସେ ଆଦୌ ଲାଜ କରିନ୍ତି ନାହିଁ। ବରଂ କେହି ନିଜର କିମ୍ବା ସମ୍ପର୍କୟ ଲୋକେ ଦେଖୁଥିଲେ ସେ ଆହୁରି ଉତ୍ସାହିତ ହୋଇ ଥାଆନ୍ତି ବୋଲି କହିଛନ୍ତି। ତେବେ ଏହି ଗପସପରେ ସେ ଅନେକ ଗହନ କଥା କହିଛନ୍ତି। ଯାତ୍ରା ମଞ୍ଚରେ ସମସ୍ତଙ୍କୁ ଡରାଉଥିବା ସଞ୍ଜୟ ନିଜ ପତ୍ନୀଙ୍କୁ ଭୟ କରନ୍ତି ବୋଲି କହିଛନ୍ତି।

Previous ArticleNext Article

Send this to a friend