ନୂଆବର୍ଷରେ ମତୁଆଲା କରିବ ‘ହାପି ଲକି’: ଦେଖନ୍ତୁ ସୁଟିଂର କିଛି ଝଲକ

happy final

ଭୁବନେଶ୍ୱର(ଓଡିଶା ରିପୋର୍ଟର): ଆଗକୁ ଆସୁଛି ତରଙ୍ଗ ସିନେ ପ୍ରଡକ୍ସନ୍ସର ନୂଆ ଫିଲ୍ମ ‘ହାପି ଲକି’। ନୂଆବର୍ଷରେ ଫିଲ୍ମଟି ରିଲିଜ ହେବ। ଏଥିପାଇଁ ପୂରା ଟିମ୍‌ ସୁଟିଂରେ ବ୍ୟସ୍ତ ଅଛନ୍ତି। ତରଙ୍ଗ ସିନେ ପ୍ରଡକ୍ସନ୍ସର ଏହା ଏକାଦଶ ଫିଲ୍ମ। ଏଥିରେ ଦେଖିବାକୁ ମିଳିବ ମଲ୍ଟି ଷ୍ଟାରଙ୍କୁ। ଲିଡ୍‌ରେ ସମ୍ବିତ, ଜୌତି, ଏଲିନା ଓ ସସ୍ମିତା ରହିଛନ୍ତି। ଖଳନାୟକ ଭୂମିକାରେ ବବି ମିଶ୍ର ଓ ଅତିଥି କଳାକାର ଭାବେ ମିହିର ଦାସ ନଜର ଆସିବେ।

ଦୁଇ ଭାଇ ‘ହାପି’ ଓ ‘ଲକି’ ଭିତରେ ଥିବା ଭଲ ପାଇବାକୁ ଫିଲ୍ମରେ ଉପସ୍ଥାପନା କରାଯାଇଛି। ଯାହା ଦର୍ଶକଙ୍କୁ ବେଶ ପ୍ରଭାବିତ କରିବ ବୋଲି ଆଶା କରାଯାଉଛି। ଦୁଇ ଭାଇଙ୍କ ଭଲ ପାଇବା ସହ ଭରପୂର ମାତ୍ରାରେ ଆକ୍ସନ ଓ ରୋମାନ୍ସର ତଡକା ମଧ୍ୟ ରହିଛି।

ଦର୍ଶକଙ୍କୁ ମନୋରଞ୍ଜନ ଖୋରାକ ଯୋଗାଇବା ପାଇଁ ତରଙ୍ଗ ସିନେ ପ୍ରଡକ୍ସନ୍ସ ସବୁବେଳେ ଚେଷ୍ଟା କରିଆସିଛି। ଏଥର ମଧ୍ୟ ମଲ୍ଟି ଷ୍ଟାରଙ୍କୁ ନେଇ ତରଙ୍ଗ ସିନେ ପ୍ରଡକ୍ସନ୍ସର ପ୍ରୟାସ ଦର୍ଶକଙ୍କୁ ପସନ୍ଦ ଆସିବ ବୋଲି ଆଶା।

ଫିଲ୍ମ ରିଲିଜ ପୂର୍ବରୁ ଆସନ୍ତୁ ନଜର ପକାଇବା ଫିଲ୍ମ ସୁଟିଂର କିଛି ଝଲକ ଉପରେ।

Previous ArticleNext Article

Send this to a friend