ଶାହାରୁଖଙ୍କ ସହ ନାଚିଲେ ବିରୁଷ୍କା, ଦେଖନ୍ତୁ ଭିଡିଓ

ମୁମ୍ବାଇ: ମାୟାନଗରୀ ମୁମ୍ବାଇରେ ଗତକାଲି ଟିମ୍ ଇଣ୍ଡିଆର ଅଧିନାୟକ ବିରାଟ କୋହଲି ଓ ଅଭିନେତ୍ରୀ ଅନୁଷ୍କା ଶର୍ମାଙ୍କ ଗ୍ରାଣ୍ଡ ରିସେପ୍‌ସନ୍ ପାର୍ଟି ଆୟୋଜିତ ହୋଇଥିଲା। ନବବିବାହିତ ଯୋଡ଼ିଙ୍କୁ ଶୁଭେଚ୍ଛା ଜଣାଇବାକୁ ଉଭୟ ବଲିଉଡ୍ ଓ ଖେଳ ଦୁନିଆରୁ ବହୁ ଲୋକଙ୍କ ଭିଡ଼ ଜମି ଥିଲା।

କିଙ୍ଗ୍ ଖାନ୍‌ ଶାହାରୁଖ୍ ମଧ୍ୟ ଏହି ପାର୍ଟିରେ ଯୋଗ ଦେଇଥିଲେ। କେବଳ ଭୋଜି ଖାଇ ନଥିଲେ, ଅନୁଷ୍କାଙ୍କ ସହ ନାଚ ବି କରିଥିଲେ। ବିରାଟ କୋହଲି ବି ପଛରେ ପଡ଼ି ନଥିଲେ। ସେ ବି ଶାହାରୁଖଙ୍କ ସହ ନାଚି ଥିଲେ। ଶାହାରୁଖଙ୍କ ବ୍ୟତୀତ ଯୁବରାଜ ସିଂହ ଓ ହରଭଜନ ସିଂହ ମଧ୍ୟ ଖୁବ୍ ନାଚି ଥିଲେ। ଟିମ୍ ଇଣ୍ଡିଆର ‘ଗବ୍ବର’ ଶିଖର ଧୱନ ବି ନାଚି ଥିଲେ। ପଞ୍ଜାବୀ ଗୀତରେ ସେ ବି ଧୁମ୍ ନାଚି ଥିଲେ।

ବିରୁଷ୍କାଙ୍କ ରିସେପ୍‌ସନ୍ ପାର୍ଟିରେ ବଲିଉଡ୍‌ର ମହାନାୟକ ଅମିତାଭ ବଚ୍ଚନଙ୍କଠାରୁ ଆରମ୍ଭ କରି ଆହୁରି ବହୁ ବଡ଼ ଲୋକ ଯୋଗ ଦେଇଥିଲେ। ସେହିପରି ରବି ଶାସ୍ତ୍ରୀ, ସଚିନ ତେନ୍ଦୁଲକର, ମହେନ୍ଦ୍ର ସିଂହ ଧୋନୀ ଓ ଅନୀଲ କୁମ୍ବଲେ ପ୍ରମୁଖ ଏଥିରେ ଯୋଗ ଦେଇଥିଲେ।

Previous ArticleNext Article

Send this to a friend