ଗର୍ଭାବସ୍ଥାରେ ତୁଳସୀ ପତ୍ର ଖାଇଲେ ମିଳିବ ଏହି ସବୁ ଲାଭ

ତୁଳସୀ ପତ୍ରରେ ଅନେକ ଔଷଧୀୟ ଗୁଣ ଭରି ରହିଛି। ଏହା ଖାଇବା ଦ୍ୱାରା ଅନେକ ରୋଗରୁ ମୁକ୍ତି ମିଳେ। ସାଧାରଣତଃ ଆମେ ଥଣ୍ଡା ଓ କାଶ ହେଲେ ତୁଳସୀ ପତ୍ର ଖାଇଥାଉ। ତେବେ ଗର୍ଭାବସ୍ଥାରେ ତୁଳସୀ ନିହାତି ଖାଇବା କଥା ବୋଲି କୁହାଯାଏ। ଏହା ଦ୍ୱାରା ଶରୀର ସୁସ୍ଥ ରହେ ଓ ବିଭିନ୍ନ ପ୍ରକାର ସଂକ୍ରମଣରୁ ସୁରକ୍ଷା ମିଳେ।  ତୁଳସୀ ପତ୍ରରେ ଆଣ୍ଟି-ବ୍ୟାକ୍ଟେରିଆଲ୍ ଗୁଣ ରହିଛି। ଏହା ଶରୀରର ରୋଗ ପ୍ରତିରୋଧକ ଶକ୍ତି ମଧ୍ୟ ବଢ଼ାଇଥାଏ। ତା’ହେଲେ ଆସନ୍ତୁ ଜାଣିବା ଗର୍ଭାବସ୍ଥାରେ ତୁଳସୀ ଖାଇଲେ ଆଉ କ’ଣ ସବୁ ଲାଭ ମିଳିଥାଏ।

୧- ତୁଳସୀ ପତ୍ରରେ ଆଣ୍ଟି-ବ୍ୟାକ୍ଟେରିଆଲ୍‌, ଆଣ୍ଟି-ଭାଇରାଲ୍‌ ଓ ଆଣ୍ଟି-ଫଙ୍ଗଲ୍‌ ଗୁଣ ରହିଛି। ଏଥିରେ ଆଣ୍ଟି-ବ୍ୟାକ୍ଟେରିଆଲ୍‌ ଗୁଣ ଥିବାରୁ ଉଭୟ ମାଆ ଓ ଗର୍ଭରେ ଥିବା ଶିଶୁକୁ ବିଭିନ୍ନ ପ୍ରକାର ସଂକ୍ରମଣରୁ ରକ୍ଷା ମିଳିଥାଏ।

୨- ସେହିପରି ତୁଳସୀ ପତ୍ରରେ ‘ଭିଟାମିନ୍ ଏ’ ରହିଛି, ଯାହା ଗର୍ଭରେ ଥିବା ଶିଶୁର ବିକାଶ ପାଇଁ ଜରୁରୀ।

୩-  ପ୍ରତିଦିନ ଦୁଇଟି ତୁଳସୀ ପତ୍ର ଖାଇବା ଦ୍ୱାରା ଶରୀରରେ ରକ୍ତର ପରିମାଣ ହ୍ରାସ ହୋଇ ନ ଥାଏ।

୪- ଗର୍ଭାବସ୍ଥାରେ ଅନେକ ମହିଳା ଏନିମିୟାର ଶିକାର ହୋଇଥାନ୍ତି। ତେଣୁ ଏହି ମହିଳାମାନେ  ପ୍ରତିଦିନ  ଦୁଇଟି ତୁଳସୀ ପତ୍ର ଖାଇବା ଦ୍ୱାରା ଏଥିରୁ ମୁକ୍ତି ମିଳିଥାଏ।

 ତେବେ ତୁଳସୀ ପତ୍ର ଖାଇବା ପୂର୍ବରୁ ଡାକ୍ତରଙ୍କ ପରାମର୍ଶ ନିଅନ୍ତୁ।

Previous ArticleNext Article

Send this to a friend