ସଂସଦରେ ଲଳିତ ଝଡ: ଉଭୟ ଗୃହ ଦିନକ ପାଇଁ ମୁଲତବି

parliament

ନୂଆଦିଲ୍ଲୀ:  ମଙ୍ଗଳବାର ପାର୍ଲାମେଣ୍ଟର ମୌସୁମୀ ଅଧିବେଶନର ଆରମ୍ଭ ଲଳିତ ଝଡରୁ ହୋଇଛି । ଅଧିବେଶନ ଆରମ୍ଭ ହେବା କ୍ଷଣି ବିରୋଧୀ ଦଳ କଂଗ୍ରେସ ପକ୍ଷରୁ ଲଳିତ ମୋଦି ଓ ବ୍ୟାପମ ଦୁର୍ନୀତି ପ୍ରସଙ୍ଗକୁ ନେଇ ହୋହାଲ୍ଲା ଓ ନାରାବାଜି କରାଯାଇଥିଲା। ଫଳରେ ଦୁଇ ସଦନରେ ଗୃହ କାର୍ଯ୍ୟ ଚାଲିପାରି ନ ଥିଲା । ପ୍ରଥମେ ଲୋକସଭାକୁ ଦିନକ ପାଇଁ ମୁଲତବି କରି ଦିଆଯାଇଥିଲା । ସେପଟେ ରାଜ୍ୟସଭାରେ କଂଗ୍ରେସ ଲଳିତ ମୋଦି ପ୍ରସଙ୍ଗକୁ ଜୋରସୋରରେ ଉଠାଇଥିଲା । ଫଳରେ ଗୃହକୁ ୩ ଥର ବନ୍ଦ ହୋଇଥିଲା । ଶେଷରେ ରାଜ୍ୟସଭାକୁ ମଧ୍ୟ ଗୋଟିଏ ଦିନ ପାଇଁ ମୁଲତବି କରିଦିଆଯାଇଥିଲା । ଏନଡିଏ ସରକାର ମୌସୁମୀ ଅଧିବେଶନରେ ୩୫ଟି ପ୍ରସଙ୍ଗ ଉପରେ ଆଲୋଚନା କରିବାକୁ ଚୂଡାନ୍ତ କରିଛି । ସେଥିରେ ରାଜ୍ୟସଭାରେ ବାକି ଥିବା ୯ ଓ ଲୋକସଭାରେ ବାକି ଥିବା ୪ଟି ବିଲ୍ ମଧ୍ୟ ରହିଛି।

ରାଜ୍ୟସଭାରେ ଆରମ୍ଭରୁ କଂଗ୍ରେସ ନେତାଙ୍କ ବିରୋଧ ଦେଖିବାକୁ ମିଳିଥିଲା। କଂଗ୍ରେସ ନେତା ଆନନ୍ଦ ଶର୍ମା ଲଳିତ ମୋଦି ପ୍ରସଙ୍ଗ ଉଠାଇ ଥିଲେ । ସେ କହିଥିଲେ ଯେ, ମୋଦି ସରକାର ମାନବିକତା ଦୃଷ୍ଟିରୁ ଲଳିତଙ୍କୁ ସହାୟତା କରିଥିଲେ ବୋଲି କହୁଛନ୍ତି। ଲଳିତ ସବୁ କାଗଜପତ୍ର ସାଙ୍ଗରେ ନେଇ ମୌଜ ମଜଲିସ କଲେ । ମାତ୍ର ଯାଞ୍ଚରେ ଲଳିତ ମୋଦି ଓ ଏହି ପ୍ରସଙ୍ଗରେ ସମ୍ପୃକ୍ତ ମନ୍ତ୍ରୀମାନଙ୍କୁ କାହିଁକି ସାମିଲ କରାଯାଇନାହିଁ ବୋଲି ସେ ପ୍ରଶ୍ନ କରିଥିଲେ । ଏହାସହ ଏହି ମାମଲାରେ ସରକାର ଉତ୍ତର ଦିଅନ୍ତୁ ବୋଲି ସେ ଦାବି କରିଥିଲେ । ଲଲିତ ମୋଦି ପ୍ରସଙ୍ଗରେ ସବୁ ପ୍ରକାର ଆଲୋଚନା କରିବାକୁ ସରକାର ପ୍ରସ୍ତୁତ ଥିବା ବିଜେପିର ବରିଷ୍ଠ ନେତା ଅରୁଣ ଜେଟଲି କହିଥିଲେ । ମାତ୍ର ଏହାର ପ୍ରଭାବ ଦେଖିବାକୁ ମିଳି ନ ଥିଲା । ଅରୁଣ ଜେଟିଲ କହିଛନ୍ତି ଯେ, ଆମେ ଆଲୋଚନା ଲାଗି ପ୍ରସ୍ତୁତ ଅଛୁ । ସୁଷମା ସ୍ୱରାଜ ବି ଟୁଇଟ କରି ଏହି ପ୍ରସଙ୍ଗରେ ଉତ୍ତର ଦେବାକୁ ପ୍ରସ୍ତୁତ ଥିବା କହିଛନ୍ତି । ହେଲେ ଲାଗୁଛି ବିରୋଧୀ ଦଳ ଆଲୋଚନା କରିବାକୁ ପ୍ରସ୍ତୁତ ନାହାନ୍ତି । କେବଳ ହଟ୍ଟଗୋଳ କରି ଗୃହ ଚଳାଇ ନ ଦେବାକୁ ପ୍ରୟାସ କରାଯାଉଛି ବୋଲି ଜେଟଲି କହିଥିଲେ । ସିପିଆଇ (ଏମ) ସାଧାରଣ ସମ୍ପାଦକ ସୀତାରାମ ଆଚେରୀ କହିଛନ୍ତି ଯେ, ମୋଦି ଭ୍ରଷ୍ଟାଚାର ମୁକ୍ତ ସରକାର କରିବାକୁ କହିଛନ୍ତି । ଅଭିଯୋଗ ଆସିଛି, ଏହାର ଯାଞ୍ଚ ହେବା ଦରକାର । ଲଳିତ ମୋଦି ପ୍ରସଙ୍ଗରେ ଯେଉଁ ମନ୍ତ୍ରୀଙ୍କ ନାମ ଆସିଛି ସେମାନେ ଇସ୍ତଫା ଦିଅନ୍ତୁ, ଏହାଦ୍ୱାରା ଯାଞ୍ଚ ନୀରପେକ୍ଷ ହୋଇ ପାରିବ ବୋଲି ସେ କହିଛନ୍ତି।

Previous ArticleNext Article

Send this to a friend