ପୁଣି ଅନଶନକୁ ଓହ୍ଲାଇବେ ଆନ୍ନା

ନୂଆଦିଲ୍ଲୀ: ଲୋକପାଳ ନିଯୁକ୍ତି କ୍ଷେତ୍ରରେ କେନ୍ଦ୍ର ସରକାର ବିଳମ୍ବ କରୁଥିବାରୁ ଏହା ବିରୋଧରେ ସମାଜେସବୀ ଆନ୍ନା ହାଜାରେ ପୁଣି ଅନଶନକୁ ଓହ୍ଲାଇବେ।

ଅକ୍ଟୋବର ୨ ତାରିଖ ଗାନ୍ଧି ଜୟନ୍ତୀରୁ ସେ ନିଜ ଗାଁ ମହାରାଷ୍ଟ୍ରର ରାଲେଗାଁସିଦ୍ଧିରୁ ଅନଶନ ଆରମ୍ଭ କରିବେ ବୋଲି କହିଛନ୍ତି।

ଆନ୍ନା କହିଛନ୍ତି, ୨୦୧୪ ଲୋକପାଲ ବିଲ୍‌ରେ ସଂଶୋଧନ ଆଣି ଲୋକପାଳ ନିଯୁକ୍ତ କରିବାକୁ ମୋଦି ସରକାର ପ୍ରତିଶ୍ରୁତି ଦେଇଥିଲେ। କିନ୍ତୁ ଏବେ ଲାଗୁଛି, ଦୁର୍ନୀତିମୁକ୍ତ ଶାସନ ଓ ସମାଜ ଲାଗି କେନ୍ଦ୍ର ସରକାରଙ୍କ ଇଚ୍ଛା ନାହିଁ। ତେଣୁ ସରକାର ଅନେକ ବାହାନା ଦେଖାଇ ଲୋକପାଳ ନିଯୁକ୍ତି କରୁନାହାନ୍ତି ବୋଲି ସେ କହିଛନ୍ତି।

ଆନ୍ନା ୨୦୧୧ ଜନ ଲୋକପାଳ ନିଯୁକ୍ତି ଦାବିରେ ଦିଲ୍ଲୀରେ ଅନଶନ କରିଥିଲେ।

Previous ArticleNext Article

Send this to a friend