ଆଠ ଦିନିଆ ବିଦେଶ ଗସ୍ତରୁ ଫେରିଲେ ମୋଦି

modi

ନୂଆଦିଲ୍ଲୀ: ଆଠ ଦିନିଆ ବିଦେଶ ଗସ୍ତ ସାରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ବିଳମ୍ୱିତ ରାତିରେ ନୂଆଦିଲ୍ଲୀ ଫେରି ଆସିଛନ୍ତି। ଏହି ଗସ୍ତ ସମୟରେ ସେ ୬ଟି ଦେଶକୁ ଯାଇଥିଲେ। ସେଥି ମଧ୍ୟରୁ ୫ଟି ଦେଶ ଥିଲା କେନ୍ଦ୍ରୀୟ ଏସିଆର। ନୂଆଦିଲ୍ଲୀର ପାଲାମ ବିମାନବନ୍ଦରରେ ପହଞ୍ଚିବା ପରେ ମୋଦି ଟ୍ୱିଟ‌୍‍ କରି ଜଣାଇଥିଲେ ଯେ ତାଙ୍କର ଏହି ବିଦେଶ ଗସ୍ତ ବେଶ‌୍‍ ସଫଳ ହୋଇଛି। କେନ୍ଦ୍ରୀୟ ଏସିଆ ଦେଶଗୁଡ଼ିକ ସହିତ ଭାରତର ସଂପର୍କ ମଜଭୁତ ହୋଇଛି।

ଏହି ଗସ୍ତ ସମୟରେ ମୋଦି ଉଜବେକିସ୍ତାନ, କାଜାକାସ୍ତାନ, ରୁଷିଆ, ତୁର୍କମେନିସ୍ତାନ, କିରଗିସ୍ତାନ ଓ ତାଜିକସ୍ତାନ ଯାଇଥିଲେ। ଏହି ଅବସରରେ ସେ ରୁଷରେ ଦୁଇଟି ସମ୍ମିଳନୀ- ସାଂଘାଇ ସହଯୋଗ ସଂଗଠନ (ଏସ‌୍‍ସିଓ) ଏବଂ ବ୍ରିକ୍ସରେ ଯୋଗ ଦେଇଥିଲେ। ଭାରତ ଓ ପାକିସ୍ତାନକୁ ସାଂଘାଇ ସହଯୋଗ ସଂଗଠନର ପୂର୍ଣ୍ଣକାଳୀନ ସଦସ୍ୟ କରିବାକୁ ଏଥର ନିଷ୍ପତି ହୋଇଛି। ସେହିପରି ଏହି ଗସ୍ତକାଳରେ ରୁଷର ଉଫାଠାରେ ମୋଦି ଓ ପାକିସ୍ତାନ ପ୍ରଧାନମନ୍ତ୍ରୀ ନୱାଜ ସରିଫଙ୍କ ମଧ୍ୟରେ ଦ୍ୱିପାକ୍ଷିକ ଆଲୋଚନା ମଧ୍ୟ ହୋଇଥିଲା।

 

Previous ArticleNext Article

Send this to a friend