କଂଗ୍ରେସ କର୍ମୀ ବର୍ଷକୁ ଦଳକୁ ଦେବେ ୨୫୦ ଟଙ୍କା ଅନୁଦାନ

motilala

ନୂଆଦିଲ୍ଲୀ: ଏଣିକି କଂଗ୍ରେସ କର୍ମୀମାନେ ବର୍ଷକୁ ଦଳକୁ ୨୫୦ ଟଙ୍କା ଲେଖାଏଁ ଅନୁଦାନ ଦେବେ। ଦଳର ଆର୍ଥିକ ସ୍ଥିତିକୁ ସୁଧାରିବା ତଥା ଆର୍ଥିକ କ୍ଷେତ୍ରରେ ସ୍ୱାବଲମ୍ବୀ ହେବା ପାଇଁ ଏହି ନିଷ୍ପତ୍ତି ନେଇଛି କଂଗ୍ରେସ। ଏହି ନିଷ୍ପତ୍ତିକ୍ରମେ ଦଳର ପ୍ରତ୍ୟେକ କର୍ମୀଙ୍କର ଆର୍ଥିକ ଯୋଗଦାନ ରହିବ। ସେମାନଙ୍କର ଏହି ଅନୁଦାନର ୨୫% ପ୍ରଦେଶ କଂଗ୍ରେସ କମିଟିକୁ ଦିଆଯିବ ଓ ବାକି ୭୫% ଏଆଇସିସି ପାଣ୍ଠିକୁ ଯିବ।

ଏ ସଂପର୍କରେ ସୂଚନା ଦେଇ ଏଆଇସିସି କୋଷାଧ୍ୟକ୍ଷ ମୋତିଲାଲ ଭୋରା କହିଛନ୍ତି ଯେ ବର୍ତ୍ତମାନ କଂଗ୍ରେସର ସମସ୍ତ ସାଂସଦ ଓ ବିଧାୟକ ଦଳକୁ ସେମାନଙ୍କର ମାସକର ଦରମା ଦେଉଛନ୍ତି। ପ୍ରତ୍ୟେକ ଏଆଇସିସି ସଦସ୍ୟ ବର୍ଷକୁ ଦଳକୁ ୬୦୦ ଟଙ୍କା ଦେଉଛନ୍ତି। ସେହିଭଳି ଜଣେ ପିସିସି ସଦସ୍ୟ ଦଳର ରାଜ୍ୟ ଶାଖାକୁ ବର୍ଷକୁ ୩୦୦ ଟଙ୍କା ଦେଉଛନ୍ତି। ନୂଆ ଆଇନ ଅନୁଯାୟୀ ଦଳର ରାଜ୍ୟ ଶାଖା ଯେତିକି ଅନୁଦାନ ଗ୍ରହଣ କରିଥିବେ ସେଥରୁ ୫୦% ସେମାନେ ଜିଲ୍ଲା ଶାଖାଗୁଡ଼ିକୁ ପ୍ରଦାନ କରିବେ। ଏହା ଦଳର ସମସ୍ତ ରାଜ୍ୟ ଶାଖା ପାଇଁ ବାଧ୍ୟତାମୂଳକ କରାଯାଇଛି।

Previous ArticleNext Article

Send this to a friend