ପାକିସ୍ତାନକୁ ଭାରତର ମୁହଁତୋଡ଼ ଜବାବ: ତୋପ ମାଡ଼ରେ ବହୁ ଶିବିର ଧ୍ୱଂସ

mm

ନୂଆଦିଲ୍ଲୀ: ପାକିସ୍ତାନ ସେନା ସୀମାରେ ବର୍ବରକାଣ୍ଡ ଘଟାଇ ଅତି ନୃଶଂସ ଭାବେ ଭାରତୀୟ ଯବାନଙ୍କୁ ଗତକାଲି ହତ୍ୟା କରିଥିବାର ଦୃଢ଼ ଜବାବ ଦେଇଛନ୍ତି ଭାରତୀୟ ସେନା। ଭାରତ ପଟୁ  ଗୁଳି ଗୋଳା ବର୍ଷଣ କରାଯାଇ ପାକିସ୍ତାନର କିଛି ପୋଷ୍ଟ ଓ ବହୁ ବଙ୍କର ଧ୍ୱଂସ କରି ଦିଆଯାଇଛି।  ଭାରତୀୟ ସେନାର ଆକ୍ରମଣରେ ପାକିସ୍ତାନ ସେନାର ଗଭୀର କ୍ଷତି ହୋଇଛି।

ଗତକାଲି ଜାମ୍ମୁ ଓ କାଶ୍ମୀରର ରାଜୌରୀ ଜିଲ୍ଲାରେ ଭାରତୀୟ ସେନା ପୋଷ୍ଟକୁ ପାକିସ୍ତାନ ପକ୍ଷରୁ ଗୁଳିଗୋଳା ମାଡ଼ କରାଯାଇଥିଲା। ଫଳରେ ଜଣେ କ୍ୟାପଟନ୍ ସମେତ ଚାରି ଜଣ ଯବାନ ସହିଦ ହୋଇଥିଲା ବେଳେ ୪ ଜଣ ଯବାନ ଆହତ ହୋଇଥିଲେ।ପାକିସ୍ତାନ ସେନାର ଗୁଳିମାଡ଼ ଯୋଗୁଁ ସୀମା ନିକଟବର୍ତ୍ତି ଅଞ୍ଚଳରେ ବ୍ୟାପକ କ୍ଷୟକ୍ଷତି ଘଟିଥିଲା। ଭାରତୀୟ ସୀମାରେ ପାକିସ୍ତାନର ବାରମ୍ବାର ଆକ୍ରମଣ କରୁଥିବା ନେଇ ଏଲଓସି ନିକଟବର୍ତ୍ତୀ ଅଞ୍ଚଳରେ ସମସ୍ତ ସ୍କୁଲ ଓ କଲେଜ ବନ୍ଦ କରି ଦିଆଯାଇଛି। ବାରମ୍ବାର ସୀମାରେ ଉତ୍ତେଜନା ପରିସ୍ଥିତି ସୃଷ୍ଟି କରିବା ପାଇଁ ପାକିସ୍ତାନ ଗୁଳିମାଡ଼ କରିଥାଏ। ଏପରିକି ଅନୁପ୍ରବେଶକାରୀଙ୍କୁ ସୁରକ୍ଷା ଦେବା ପାଇଁ ପାକ୍ ସେନା ପକ୍ଷରୁ ଏପରି କରାଯାଉଥିବା ପ୍ରମାଣିତ ହୋଇଛି।

Previous ArticleNext Article

Send this to a friend