ଅଷ୍ଟ୍ରେଲିଆ ସମୁଦ୍ରରେ ବୁଡ଼ି ଭାରତୀୟ ଖେଳାଳି ମୃତ

aust

ନୂଆଦିଲ୍ଲୀ: ଅଷ୍ଟ୍ରେଲିଆ ସମୁଦ୍ରରେ ବୁଡ଼ି ଭାରତୀୟ ଖେଳାଳିଙ୍କ ମୃତ୍ୟୁ ଘଟିଛି। ପାସିଫିକ୍ ସ୍କୁଲ ଗେମସରେ ଭାଗ ନେବାକୁ ଯାଇଥିବା ଖେଳାଳିଙ୍କ ମଧ୍ୟରୁ ୫ ଜଣ ସମୁଦ୍ରକୁ ଯାଇ ବୁଡ଼ି ଯାଇଥିଲେ। ଘଟଣାସ୍ଥଳରୁ ୪ ଜଣଙ୍କୁ ଉଦ୍ଧାର କରାଯାଇଥିବା ବେଳେ ଜଣେ ନିଖୋଜ ଥିଲେ। ଆଜି ତାଙ୍କ ମୃତଦେହ ଉଦ୍ଧାର କରାଯାଇଛି। ଆଡିଲେଡର ଗ୍ଲେନଲେଗ୍ ସମୁଦ୍ରକୂଳରେ ଖେଳାଳିମାନେ ଗାଧୋଉଥିବା ବେଳେ ଏହି ଦୁର୍ଘଟଣା ଘଟିଥିଲା।

ସଙ୍ଗେ ସଙ୍ଗେ ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିଲା। ଉଭୟ ଆକାଶ ମାର୍ଗ ଓ ଜାହାଜ ଦ୍ୱାରା ନିଖୋଜ ଖେଳାଳିଙ୍କୁ ଉଦ୍ଧାର ପାଇଁ ଉଦ୍ୟମ ହୋଇଥିଲା। ୪ଜଣଙ୍କୁ ଉଦ୍ଧାର କରାଯାଇଛି। ସେମାନଙ୍କ ମଧ୍ୟରୁ ତିନିଜଣଙ୍କ ଅବସ୍ଥା ଗୁରୁତର ରହିଛି। ସେମାନଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି। ଅଷ୍ଟ୍ରେଲିଆ କର୍ତ୍ତୃପକ୍ଷ ଭାରତୀୟ ଡେପୁଟି କାଉନସିଲରଙ୍କୁ ଏ ସଂପର୍କରେ ଜଣାଇଛନ୍ତି।

Previous ArticleNext Article

Send this to a friend