ପେଟ୍ରୋଲ୍‌ ଓ ଡିଜେଲ୍‌ ଉପରୁ ଭାଟ୍ କମାଇଲେ ମଧ୍ୟପ୍ରଦେଶ ସରକାର

oil

ନୂଆଦିଲ୍ଲୀ: ପେଟ୍ରୋଲ୍‌ ଓ ଡିଜେଲ୍‌ ଉପରୁ ଭାଟ୍ ହ୍ରାସ କଲା ଆଉ ଏକ ରାଜ୍ୟ। ମଧ୍ୟପ୍ରଦେଶ ସରକାର ଆଜି ପେଟ୍ରୋଲ୍ ଉପରେ ୩ ପ୍ରତିଶତ ଓ ଡିଜେଲ୍ ଉପରେ ୫ ପ୍ରତିଶତ ଭାଟ ହ୍ରାସ ପାଇଁ ନିଷ୍ପତ୍ତି ନେଇଛନ୍ତି। ନୂଆ ଦର ଆଜି ମଧ୍ୟରାତ୍ରରୁ ଲାଗୁ ହେବ ବୋଲି ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ କହିଛନ୍ତି। ତୃତୀୟ ରାଜ୍ୟ ଭାବେ ମଧ୍ୟପ୍ରଦେଶ ପେଟ୍ରୋଲ୍ ଓ ଡିଜେଲ୍ ଉପରୁ ଭାଟ ହ୍ରାସ କରିଛି।  ପୂର୍ବରୁ ବିଜେପି ଶାସିତ ରାଜ୍ୟ ଗୁଜୁରାଟ ଓ ମହରାଷ୍ଟ୍ର ସହ ହିମାଚଳ ପ୍ରଦେଶ ସରକାର ମଧ୍ୟ ପେଟ୍ରୋଲ୍ ଓ ଡିଜେଲ୍ ଉପରୁ ଭାଟ୍ କମାଇଥିଲେ।

ଗତସପ୍ତାହରେ କେନ୍ଦ୍ର ସରକାର ଉତ୍ପାଦ ଶୁଳ୍କ ୨ ଟଙ୍କା କମାଇବା ପରେ ତେଲ ଦର କମିଥିଲା।  ଏହାପରେ ସବୁ ରାଜ୍ୟମାନଙ୍କୁ ତୈଳ ଉପରୁ ଭାଟ୍ କମାଇକୁ ପେଟ୍ରୋଲିୟମ୍ ମନ୍ତ୍ରୀ ପ୍ରସ୍ତାବ ରଖିଥିଲେ। ଓଡ଼ିଶାରେ କେବେ ଭାଟ୍ କମିବ ବୋଲି ପ୍ରଶ୍ନ ଉଠୁଥିବାବେଳେ କିଛି ଦିନ ତଳେ ଅର୍ଥମନ୍ତ୍ରୀ ଶଶି ଭୂଷଣ ବେହେରା ଏହା ଓଡ଼ିଶାରେ ସମ୍ଭବ ନୁହେଁ ବୋଲି କହିଥିଲେ। ଆଉ ଆଜି ପୁଣି ସେ ସମାନ କଥା ପରୋକ୍ଷରେ ଦୋହରାଇଛନ୍ତି।

Previous ArticleNext Article

Send this to a friend