‘ଓଖି’ ପ୍ରଭାବିତ ଅଞ୍ଚଳ ଗସ୍ତ କଲେ ପ୍ରଧାନମନ୍ତ୍ରୀ

modi1111111111111

ନୂଆଦିଲ୍ଲୀ: ଓଖି ପ୍ରଭାବିତ ଅଞ୍ଚଳ ଗସ୍ତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ବାୟୁସେନା ହେଲିକେପ୍ଟର ଯୋଗେ ମୋଦି ପ୍ରଥମେ ଲାକ୍ଷାଦ୍ୱୀପରେ ପହଞ୍ଚି ସେଠାକାର ସ୍ଥିତି ସମୀକ୍ଷା କରିଥିଲେ। ଏହାପରେ ପ୍ରଶାସନର ବରିଷ୍ଠ ଅଧିକାରୀଙ୍କ ସହ ବୈଠକ କରି ରିଲିଫ୍ ଏବଂ ଥଇଥାନ କାର୍ଯ୍ୟକୁ ତଦାରଖ କରିଥିଲେ। ଏଥିସହ ମୋଦି ବାତ୍ୟା ପୀଡ଼ିତଙ୍କ ପରିବାରକୁ ମଧ୍ୟ ଭେଟିଥିଲେ। ସେହିଭଳି ମୋଦି ବନ୍ୟ ପୀଡ଼ିତ କାଭାର୍ତ୍ତି, କନ୍ୟାକୁମାରୀ ଏବଂ ତିରୁଅନନ୍ତପୁରମ୍ ଅଞ୍ଚଳ ମଧ୍ୟ ଗସ୍ତ କରି ସ୍ଥିତି ସମୀକ୍ଷା କରିଛନ୍ତି।

‘ଓଖି’ ଲାକ୍ଷାଦ୍ୱୀପ, ତାମିଲନାଡ଼ୁ ଏବଂ କେରଳରେ ବ୍ୟାପକ କ୍ଷୟକ୍ଷତି ଘଟାଇଥିଲା। ଏଥିରେ ୧୧୫ ଜଣଙ୍କ ମୃତ୍ୟୁ ଘଟିଥିଲା। ବର୍ତ୍ତମାନ ସୁଦ୍ଧା ୬ ଶହରୁ ଅଧିକ ମତ୍ସ୍ୟଜୀବୀ ନିଖୋଜ ଅଛନ୍ତିା ଏହି ସମୟରେ ତାମିଲନାଡ଼ୁ ଏବଂ କେରଳରେ ୧୦ ହଜାରରୁ ଅଧିକ ଲୋକଙ୍କୁ ସ୍ଥାନାନ୍ତର କରାଯାଇଥିଲା। ଏବେ ସୁଦ୍ଧା କେନ୍ଦ୍ର ସରକାରଙ୍କ ପକ୍ଷରୁ ୧୧୨ଟି ରିଲିଫ୍ କ୍ୟାମ୍ପ ଖୋଲା ଯାଇଛିା ସରକାରୀ ହିସାବ ଅନୁଯାୟୀ କେରଳରେ ୧୮ ଶହ ୪୩  କୋଟି ଟଙ୍କା କ୍ଷୟକ୍ଷତି ହୋଇଛି।

Previous ArticleNext Article

Send this to a friend