ଠିଆ ହୋଇ ଗୀତ ନ ଗାଈବାରୁ ଗୁଳି ଖାଇଲେ ୬ ମାସର ଗର୍ଭବତୀ, ତା’ପରେ…   

ନୂଆଦିଲ୍ଲୀ: ଛଅ ମାସର ଛୁଆକୁ ଗର୍ଭରେ ଧରି ଷ୍ଟେଜ୍‌ରେ ଗୀତ ଗାଉଥିବା ମହିଳାଙ୍କୁ ଶେଷରେ ଗୁଳି ମାଡ଼ରେ ଟଳିବାକୁ ପଡ଼ିଛି। ତାଙ୍କର ଦୋଷ ହେଉଛି ସେ ଠିଆ ହୋଇ ଗୀତ ଗାଇ ପାରି ନ ଥିଲେ। ଏଭଳି ଏକ ଅଭାବନୀୟ  ଘଟଣା ଘଟିଛି ପାକିସ୍ତାନରେ। ଏହି ଘଟଣା ସୋସିଆଲ୍ ମିଡ଼ିଆରେ ଭାଇରାଲ୍‌ ହୋଇଛି। ପାକିସ୍ତାନ ପୁଲିସ୍‌ ଏହି କାଣ୍ଡ ଘଟାଇଥିବା ବ୍ୟକ୍ତିକୁ ଗିରଫ କରିଛି।

ସୂଚନା ଅନୁସାରେ,  ଏପ୍ରିଲ୍‌୧୦ତାରିଖ ସନ୍ଧ୍ୟାରେ ସିନ୍ଧ୍‌ ଅନ୍ତର୍ଗତ ଲାର୍କାଣ ସହର ନିକଟ କଙ୍ଗା ଗାଁରେ ଏକ ଫ୍ୟାମିଲି ପାର୍ଟିର ଆୟୋଜନ ହୋଇଥିଲା। ୨୪ ବର୍ଷୀୟା ଗାୟିକା ସମିନା ସିନ୍ଧୁ ସେହି ଉତ୍ସବରେ ଗୀତ ଗାଉଥିଲେ। ସେ ଗର୍ଭବତୀ ଥିବାରୁ ତଳେ ବସି ଗୀତ ଗାଉଥିଲେ।

ଗାୟିକାଙ୍କ ସ୍ୱାମୀଙ୍କ କହିବାନୁସାରେ, ଗାୟିକା ସମିନା ଗୀତ ଗାଉଥିବା ବେଳେ ଜଣେ ବ୍ୟକ୍ତି ତାଙ୍କୁ ଠିଆ ହୋଇ ଗାଇବାକୁ ଧମକାଇଥିଲା। ଗର୍ଭବତୀ ଥିବାରୁ ଠିଆ ହୋଇ ଗାଇ ପାରିବେନି ବୋଲି କହିଥିଲେ ସମିନା। ତାପରେ ସେ ବ୍ୟକ୍ତି ସମିନାଙ୍କୁ ଗୁଳି କରିଥିଲା। ସମୀନା ତଳେ ଲୋଟିପଡିଥିଲେ।

ସେପଟେ  ସମିନାଙ୍କ ସ୍ୱାମୀ ଏହି ଘଟଣାରେ ଅଭିଯୁକ୍ତ ବିରୋଧରେ ଡବଲ ମର୍ଡରର  ଅଭିଯୋଗ ଆଣିଛନ୍ତି।

 

 

Previous ArticleNext Article

Send this to a friend