ରାଜନୀତିରେ ରଜନୀକାନ୍ତ; ଆସନ୍ତା ବିଧାନସଭା ନିର୍ବାଚନ ଲଢ଼ିବେ

rajanikanta

ଚେନ୍ନାଇ: ତାମିଲ ସୁପରଷ୍ଟାର ରଜନୀକାନ୍ତ ରାଜନୀତିରେ ପ୍ରବେଶ କଲେ। ନିଜ ଫ୍ୟାନଙ୍କ ଗହଣରେ ରବିବାର ସେ ଏହା ଘୋଷଣା କରିଛନ୍ତି। ସେ କୌଣସି ଦଳରେ ସାମିଲ ହେବେ ନାହିଁ। ନିଜେ ଏକ ଦଳ ଗଢ଼ିବେ।

କୋଡାମ୍ବକ୍କମ ସ୍ଥିତ ରାଘବେନ୍ଦ୍ର ମ୍ୟାରେଜ୍ ହଲ୍‌ରେ ରଜନୀକାନ୍ତ ଏହି ଘୋଷଣା କରି କହିଥିଲେ ଯେ ସେ ୨୦୨୧ରେ ତାମିଲନାଡୁ ବିଧାନସଭା ନିର୍ବାଚନ ଲଢ଼ିବେ। ସେ ରାଜ୍ୟର ସମସ୍ତ ୨୩୪ଟି ବିଧାନସଭା ଆସନରେ ପ୍ରାର୍ଥୀ ଦେବେ ବୋଲି କହିଛନ୍ତି। ତେବେ ୨୦୧୯ ଲୋକସଭା ନିର୍ବାଚନରେ ସେ ଲଢ଼ିବେ କି ନାହିଁ ସେ ନେଇ ଚିନ୍ତା କରିବେ।

ସେ କହିଥିଲେ,“କ୍ଷମତା ଅବା ପଦପଦବୀ ପାଇଁ ମୁଁ ରାଜନୀତିରେ ପ୍ରବେଶ କରି ନାହିଁ। ଯଦି ପଦପଦବୀ ଲୋଭ ଥାଆନ୍ତା, ତା’ହେଲେ ୧୯୯୬ରୁ ପାଇ ପାରିଥାଆନ୍ତି। ୪୫ ବର୍ଷ ବୟସରେ ସେ ଇଚ୍ଛା ମୋର ନଥିଲା। ୬୮ ବର୍ଷରେ କାହିଁକି ଏମିତି ଇଚ୍ଛା ହେବ?”

ରଜନୀକାନ୍ତ କହିଥିଲେ,“ପୂରା ବ୍ୟବସ୍ଥାକୁ ବଦଳାଇବାକୁ ହେବ। ଗଣତନ୍ତ୍ର ଦୁର୍ନୀତିଗ୍ରସ୍ତ ହୋଇଯାଇଛି। ଏହାକୁ ସଫା କରିବାକୁ ହେବ।”

Previous ArticleNext Article

Send this to a friend