ଚର୍ଚ୍ଚାରେ ମୋଦିଙ୍କ ଆନିମେଟେଡ୍‌ ଯୋଗ ଭିଡିଓ

ନୂଆଦିଲ୍ଲୀ: ସ୍ୱାସ୍ଥ୍ୟକୁ ନେଇ ସବୁବେଳେ ସଚେତନ ଆମ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। କଥାବାର୍ତ୍ତା ବେଳେ ସୁଯୋଗ ପାଇଲେ ସେ ଦେଶବାସୀ କିପରି ସୁସ୍ଥ ରହିବେ ସେ ସଂପର୍କରେ ନିଜର ମତ ପ୍ରଦାନ କରିଥାନ୍ତି। ଅନେକ ସମୟରେ ସେ ଟ୍ୱିଟ୍ କରି ଯୋଗାସନର ଭିଡ଼ିଓ ମଧ୍ୟ ଛାଡ଼ିଥାନ୍ତି। ବେଳେବେଳେ ବ୍ୟାୟାମ କରିବାର ଭିଡିଓ ମଧ୍ୟ ଛାଡ଼ନ୍ତି? ଜୁନ୍ ୨୧ ବିଶ୍ୱ ସ୍ୱାସ୍ଥ୍ୟ ଦିବସ ପରଠାରୁ ସେ ଏପରି ଯୋଗ ସଂପର୍କିତ କିଛି କିଛି ଭିଡିଓ ନିୟମିତ ସେୟାର କରୁଛନ୍ତି। ହିସାବ ଅନୁଯାୟୀ, ମୋଦି ଏଯାଏଁ ବୃକ୍ଷାସନ, ତ୍ରିକୋଣାସନ, ଉଷ୍ଟ୍ରାସନ, ଭଦ୍ରାସନ, ବକ୍ରାସନ ଓ ଉତ୍ତାନ ମଣ୍ଡୁକାସନର ଭିଡିଓ ଅପ୍‌ଲୋଡ୍ କରି ସାରିଛନ୍ତି।

କିନ୍ତୁ ଏବେ ସେ ଛାଡ଼ିଥିବା ଏକ ଭିଡିଓକୁ ନେଇ ଖୁବ୍ ଚର୍ଚ୍ଚା। ଏହା ଏକ ଆନିମେଟେଡ୍‌ ଭିଡିଓ। ଯେଉଁଥିରେ ଏକ ଥ୍ରି-ଡି ଆନିମେଟେଡ୍ କ୍ୟାରାକ୍ଟର ଯୋଗ କରିବାର ଦୃଶ୍ୟ ରହିଛି। ତେବେ ବିଶେଷତ୍ୱ ହେଲା, ଭିଡିଓରେ ଯୋଗ କରୁଥିବା ଆନିମେଟେଡ୍‌ କ୍ୟାରେକ୍ଟରର ଚେହେରା ସଂପୂର୍ଣ୍ଣ ମୋଦିଙ୍କ ଚେହେରା ସହ ମିଶୁଛି। ଏହା ସିଧା ସିଧା କହିହେବ ଯେ, ପ୍ରଧାନମନ୍ତ୍ରୀ ମୋଦିଙ୍କ ଆନିମେଟେଡ୍ କ୍ୟାରାକ୍ଟର ଯୋଗ କରୁଛନ୍ତି। ପୁଣି ଏହି ଭିଡିଓଟିକୁ ନିଜେ ମୋଦି ତାଙ୍କ ଟ୍ୱିଟର ଆକାଉଣ୍ଟରୁ ସେୟାର କରିଛନ୍ତି। ଭିଡିଓଟିକୁ ହଠାତ୍ ଦେଖିଲେ ଆପଣ ଜାଣିପାରିବେ ନାହିଁ ଯେ, ସତକୁ ସତ ମୋଦି ଯୋଗ କରୁଛନ୍ତି ନା ଏହା ଆନିମେଟେଡ୍।

ଭିଡିଓରେ ମୋଦିଙ୍କ ଆନିମେଟେଡ୍ କ୍ୟାରେକ୍ଟର ଏକ କଳା ରଙ୍ଗର ଟ୍ରାକ୍‌ ସୁଟ୍ ଓ ନୀଳ ରଙ୍ଗର ଗଞ୍ଜି ପିନ୍ଧିଛନ୍ତି। ଚଟାଣ ଉପରେ ବସିଛିନ୍ତି ସେ ବକ୍ରାସନ କେମିତି କରିବାକୁ ହେବ ଦେଖାଉଛନ୍ତି। ଏହି ଖବର ଲେଖାହେଲା ବେଳକୁ ୨ ମିନିଟ୍‌ ୩୬ ସେକେଣ୍ଡର ଏହି ଭିଡିଓଟିକୁ ୯ ହଜାରରୁ ଅଧିକ ଲୋକ ଦେଖି ସାରିଥିଲେ। ନିଜ ଟ୍ୱିଟର ଆକାଉଣ୍ଟରେ ଏହି ଭିଡିଓ ସେୟାର କରି ମୋଦି ଲେଖିଛନ୍ତି- ‘ନମନୀୟତା ହେଉଛି ବକ୍ରାସନର ପ୍ରତୀକ। ଶାରୀରିକ ଏବଂ ମାନସିକ ସ୍ତରରେ ନମନୀୟତାର ଆବଶ୍ୟକତା ରହିଛି। କାରଣ କଠୋର ହୋଇ କେହି କେବେ କିଛି ହାସଲ କରିପାରିନି।’

Previous ArticleNext Article

Send this to a friend