ଆଜି ରାଜ୍ୟବ୍ୟାପୀ ଅଟୋ ଓ ଟ୍ୟାକ୍ସି ବନ୍ଦ

ଭୁବନେଶ୍ୱର(ଓଡ଼ିଶା ରିପୋର୍ଟର): ବିଭିନ୍ନ ଦାବି ନେଇ ଆଜି ରାଜ୍ୟବ୍ୟାପୀ ଅଟୋ ଓ ଟ୍ୟାକ୍ସି ଚାଳକ ମହାସଂଘ ପକ୍ଷରୁ ଦିନିକିଆ ଧର୍ମଘଟ ଡାକରା ଦିଆଯାଇଛି। ଅଟୋ ଟ୍ୟାକ୍ସି ଚାଳକଙ୍କ ଜୀବନଜୀବିକା ଓ ସାମାଜିକ ସୁରକ୍ଷା ଦାବିରେ ମହାସଂଘ ଏହି ଧର୍ମଘଟ ଡାକରା ଦେଇଛି।

ଭୁବନେଶ୍ୱରରେ ଏକ ଅଟୋକୁ ଅଟକାଉଛନ୍ତି ଅଟୋ ଚାଳକ
ଭୁବନେଶ୍ୱରରେ ଏକ ଅଟୋକୁ ଅଟକାଉଛନ୍ତି ଅଟୋ ଚାଳକ

ମହାସଂଘ ଅଭିଯୋଗ କରିଛି, ଉଭୟ କେନ୍ଦ୍ର ଓ ରାଜ୍ୟ ସରକାର ଅଟୋ ମାରଣନୀତି କରୁଛନ୍ତି। ସହରାଞ୍ଚଳରେ ଯେପରି ଅଟୋ ରିକ୍ସା ଓ ପ୍ରାଇଭେଟ ଟ୍ୟାକ୍ସି ଚାଲି ନ ପାରିବ ସେମିତି ନୀତି ପ୍ରସ୍ତୁତ କରୁଛନ୍ତି। ଏହାଦ୍ୱାରା ହଜାର ହଜାର ଅଟୋ ରିକ୍ସା ଓ ଟ୍ୟାକ୍ସି ଚାଳକ ପ୍ରଭାବିତ ହେଉଛନ୍ତି। ତେଣୁ ଏପରି ନିଷ୍ପତ୍ତିକୁ ପ୍ରତ୍ୟାହାର କରିବାକୁ ମହାସଂଘ ଦାବି କରିଛି।

ଏହା ସହିତ ରାଜ୍ୟ ଓ କେନ୍ଦ୍ର ସରକାର ମାତ୍ରାଧିକ ପରିବହନ ଟିକସ୍ ଆଦାୟ କରୁଛନ୍ତି। ବୀମା ପ୍ରିମିୟମ ବୃଦ୍ଧି ହୋଇଛି, ଫିଟନେସ୍ ଟିକସ ବୃଦ୍ଧି ହୋଇଛି।  ଏପରିକି ଦୈନିକ ୫୦ଟଙ୍କା ଜୋରିମାନା ଆଦାୟ କରୁଛନ୍ତି। ପୁଣି ତେଲ ଦର ବଢୁଛି। ଏହି ପ୍ରତିବାଦରେ ଆଜି ଧର୍ମଘଟ ଡାକରା ଦେଇଥିବା ମହାସଂଘ ପକ୍ଷରୁ କୁହାଯାଇଛି।

ଏହି ଆନ୍ଦୋଳନରେ ୧ ଲକ୍ଷ ୩୫ ହଜାର ଅଟୋ ଓ ପ୍ରାୟ ୧୦ ହଜାର ଟାକ୍ସି ଚାଳକ ସାମିଲ ହୋଇଥିବା ଜଣାପଡ଼ିଛି।

Previous ArticleNext Article

Send this to a friend