ଲାକ୍ଟୋଜିନ୍‌ ଖାଉଛି, ପାଣି ପିଇ ଖେଳୁଛି

ଅନୁଗୁଳ(ବିରଜା ପ୍ରସାଦ ଦାସ): ୧୦ ଦିନ ତଳେ ମା’ ସହ ବୁଲି ଆସିଥିଲା ଜଙ୍ଗଲ। ହେଲେ ହଠାତ୍‌ ହଜିଗଲା। ମା’ଠୁ ଅଲଗା ହୋଇ କାନ୍ଦି ବୋବାଇ ଉଚ୍ଛାଳ କଲା। ହେଲେ ମା’ ଫେରିଲାନି । ହେଲେ ଏବେ ତାକୁ ପରିବାରଟିଏ ମିଳିଛି। ପେଟପୁରା ଖାଇବା ସାଙ୍ଗକୁ ମିଳିଛନ୍ତି ସାଙ୍ଗସାଥୀ। ଖେଳବୁଲାରେ ତା ଦିନ କଟି ଯାଉଛି।

ଆମେ କହୁଛୁ ଅନୁଗୋଳ ଜିଲା ରେଞ୍ଜର୍ସ କଲେଜ ପରିସରରେ ରହୁଥିବା ୩ ମାସର ହାତୀଛୁଆ କଥା। ଛେଣ୍ଡିପଦା ଡଙ୍ଗାପାଳ ଇଲାକାରୁ ଆସିଥିବା ଏକ ହାତୀପଲ ମଧ୍ୟରୁ ୧୦ ଦିନ ତଳେ ଅଲଗା ହୋଇ ଯାଇଥିଲା ଏହି ହାତୀ ଛୁଆଟି। ବନ ବିଭାଗ ପକ୍ଷରୁ ଏହାକୁ ଆଣି ଏଠାରେ ରଖାଯାଇଛି। ଯେପରି ସେ ମା’ ହାତୀକୁ ନ ଝୁରିବ ସେ ବ୍ୟବସ୍ଥା ମଧ୍ୟ କରାଯାଇଛି। ଗୁଣ୍ଡ ଖୀର ସାଙ୍ଗକୁ ଖାଉଛି ଲାକ୍ଟୋଜିନ୍‌। ଆଉ କୁନି କୁନି ପିଲାଙ୍କ ସହ ଖେଳିବା ବେଳେ ତା ଖୁସି ଦେଖିଲା ଭଳିଆ।

ସୂଚନାଯୋଗ୍ୟ, ଅନୁଗୁଳ ବନଖଣ୍ଡ ଅନ୍ତର୍ଗତ ଛେଣ୍ଡିପଦା ବନାଞ୍ଚଳରେ କଣଲୋଇ ନୂଆଗାଁ ଅଞ୍ଚଳକୁ ଏକ ହାତୀପଲ ବୁଧବାର ରାତିରେ ଆସିଥିଲେ। ଏହି ପଲରୁ ହାତୀ ଛୁଆଟି ଅଲଗା ହୋଇଯାଇଥିଲା। ଏହି ଖବର ପାଇବା ପରେ ପ୍ରାୟ ୩୦ ଜଣ ବନ କର୍ମଚାରୀ ସୁରକ୍ଷିତ ଭାବ ହାତୀଛୁଆକୁ ଉଦ୍ଧର କରି ଆଣିଥିଲେ।

Previous ArticleNext Article

Send this to a friend