୫୮୧ ନୂଆ ଡାକ୍ତରଙ୍କୁ ନିଯୁକ୍ତି ଦେଲେ ରାଜ୍ୟ ସରକାର

Naveen Pattnaik giving appointment

ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜ୍ୟରେ ନିଯୁକ୍ତ ହେଲେ ୫୮୧ ନୂଆ ଡାକ୍ତର। ଡାକ୍ତର ଅଭାବ ପୂରଣ କରିବା ଲାଗି ରାଜ୍ୟ ସରକାର ଏହି ପଦକ୍ଷେପ ନେଇଛନ୍ତି। ଭୁବନେଶ୍ୱର ରବୀନ୍ଦ୍ର ମଣ୍ଡପରେ ଆୟୋଜିତ ଏକ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନବ ନିଯୁକ୍ତ ଡାକ୍ତରଙ୍କୁ ନିଯୁକ୍ତିପତ୍ର ପ୍ରଦାନ କରିଛନ୍ତି। ଏହି ଅବସରରେ ନୂଆ ଡାକ୍ତରଙ୍କୁ ମୁଖ୍ୟମନ୍ତ୍ରୀ ଅଭିନନ୍ଦନ ମଧ୍ୟ ଜଣାଇବା ସହିତ ଲୋକଙ୍କ ସେବା କରିବାକୁ ପରାମର୍ଶ ଦେଇଛନ୍ତି। ଖୁବଶୀଘ୍ର ୧୬୯ ଜଣ ହୋମିଓପାଥିକ ଡାକ୍ତର ଓ ୫୦ ଜଣ ଆୟୁର୍ବେଦିକ ଡାକ୍ତରଙ୍କୁ ମଧ୍ୟ ନିଯୁକ୍ତି ଦିଆଯିବ।
ରାଜ୍ୟରେ ମୋଟ ୬୭୧୯ଟି ମଞ୍ଜୁରୀପ୍ରାପ୍ତ ଡାକ୍ତର ପଦବୀ ଅଛି। ସେଥିମଧ୍ୟରୁ ୧,୬୮୭ ପଦବି ଖାଲି ପଡ଼ିଛି। କେବିକେ ଓ କେବିକେ ପ୍ଲସ ଜିଲ୍ଲାରେ ସ୍ୱାସ୍ଥ୍ୟସେବା ଲାଗି ଗତ ୨ ବର୍ଷ ମଧ୍ୟରେ କର୍ପସ ପାଣ୍ଠିରୁ ପ୍ରତି ଜିଲ୍ଲାକୁ ଦେଢ଼ କୋଟି ଟଙ୍କା ଲେଖାଏଁ ଦିଆଯାଇଥିବା ସରକାର କହିଛନ୍ତି।

Previous ArticleNext Article

Send this to a friend