ମୋଦିଙ୍କ ୨୦୨୨ ନ୍ୟୁ-ଇଣ୍ଡିଆ ମିଶନରେ ଓଡ଼ିଶାର ୮ ଜିଲ୍ଲା

modi

ଭୁବନେଶ୍ୱର (ଓଡ଼ିଶା ରିପୋର୍ଟର): ରାଜ୍ୟର ପଛୁଆ ଅଞ୍ଚଳର ବିକାଶ ଲାଗି କେନ୍ଦ୍ର ସରକାର ଆରମ୍ଭ କରିଦେଛନ୍ତି କସରତ। ପ୍ରଧାନମନ୍ତ୍ରୀଙ୍କ ୨୦୨୨ ନ୍ୟୁ-ଇଣ୍ଡିଆ ମିଶନ୍‌ରେ ପଛୁଆ ଅଞ୍ଚଳର ବିକାଶ କରାଯିବ। ଏହି ମିଶନ ଅନ୍ତର୍ଗତ କେନ୍ଦ୍ର ଫୋକ୍ସରେ ରହିଛି ଓଡ଼ିଶାର ୮ ଜିଲ୍ଲା। ଏହି ସବୁ ଜିଲ୍ଲାର ବିକାଶ ଲାଗି ମଧ୍ୟସ୍ଥି ସାଜିବେ ମୋଦିଙ୍କ ପ୍ରଭାରୀ ଅଫିସର। ବିକାଶ କାର୍ଯ୍ୟ ତ୍ୱରାନ୍ୱିତ ଲାଗି  ରାଜନେତା ନୁହେଁ ପହରା ଦେବେ ଏହି ସ୍ୱତନ୍ତ୍ର କେନ୍ଦ୍ରୀୟ ଅଫିସର୍। ଚିହ୍ନଟ ଜିଲ୍ଲାଗୁଡିକରେ ଶିକ୍ଷା, ସ୍ୱାସ୍ଥ୍ୟ ଓ ସାମାଜିକ ଭିତ୍ତିଭୂମିର ବିକାଶକୁ ପ୍ରାଥମିକତା ଦିଆଯିବ।

କେନ୍ଦ୍ର ସରକାରଙ୍କ ଫୋକ୍ସରେ ରହିଛି ଓଡ଼ିଶାର ପଛୁଆ ଜିଲ୍ଲା। ବଲାଙ୍ଗିର, କଳାହାଣ୍ଡି, କୋରାପୁଟ, ମାଲକାନିଗିରି, ରାୟଗଡା,କନ୍ଧମାଳ, ଗଜପତି ଓ ଢ଼େଙ୍କନାଳର ବିକାଶ ଲାଗି ସ୍ୱତନ୍ତ୍ର ଧ୍ୟାନ ଦେବେ କେନ୍ଦ୍ର ସରକାର। ଲୋକଙ୍କୁ ମୌଳିକ ସୁବିଧା ସୁଯୋଗ ଯୋଗାଇ ଦେବା ସହ ସାମାଜିକ ଓ ଅର୍ଥନୈତିକ ବିକାଶ ଲାଗି ନକ୍ସା ପ୍ରସ୍ତୁତ କରାଯାଇଛି। ଚିହ୍ନଟ ହୋଇଥିବା ଜିଲ୍ଲାଗୁଡିକରେ ବିକାଶ କାର୍ଯ୍ୟ ତ୍ୱରାନ୍ୱିତ କରିବେ ଅଫିସର। ଏନେଇ ରାଜ୍ୟ ମୁଖ୍ୟ ଶାସନ ସଚିବଙ୍କୁ  ଅବଗତ କରିଛି ନୀତି ଆୟୋଗ। ସେହିପରି କେଉଁ କ୍ଷେତ୍ରକୁ କେତେ ଗୁରୁତ୍ୱ ଦିଆଯିବ ସେନେଇ ଜିଲ୍ଲା ଆକ୍ସନ ପ୍ଲାନ ପ୍ରସ୍ତୁତ ଲାଗ କୁହାଯାଇଛି। ଜିଲ୍ଲାପାଳଙ୍କ ଜରିଆରେ ଉନ୍ନୟନ ଯୋଜନାକୁ କାର୍ଯ୍ୟକାରୀ କରାଯିବ। ପ୍ରଭାରୀ ଅଫିସରମାନେ ତା’ଉପରେ ନଜର ରଖିବେ। ସ୍ୱାସ୍ଥ୍ୟ, ଶିକ୍ଷା ଓ ଭିତ୍ତିଭୂମି ବିକାଶ ସାଙ୍ଗକୁ ଦାରିଦ୍ର୍ୟ ଦୂରୀକରଣ ଦିଗରେ ବିଭିନ୍ନ କାର୍ଯ୍ୟକ୍ରମ ହାତକୁ ନିଆଯିବ। ଡେପୁଟେସନ୍‌ରେ ଥିବା ଓଡିଶା କ୍ୟାଡର୍ ଅଫିସରଙ୍କୁ ଏନେଇ ଦାୟିତ୍ୱ ଦିଆଯାଇଛି।

ତେବେ କେନ୍ଦ୍ରର ଏଭଳି ବିକାଶ ନକ୍ସାକୁ ନେଇ ଆରମ୍ଭ ହୋଇଛି ରାଜନୀତି। ୨୦୧୯ ନିର୍ବାଚନ ପାଇଁ ଏହା କେନ୍ଦ୍ରର ପଲିଟିକାଲ୍ ଷ୍ଟଣ୍ଟ ନା ବାସ୍ତବରେ ପଛୁଆ ଅଞ୍ଚଳର ବିକାଶ ପାଇଁ ଆନ୍ତରିକତା ? ଏହାକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି। କଂଗ୍ରେସ ଓ ବିଜେଡି ଉଭୟ କେନ୍ଦ୍ରର ଏଭଳି ଆଭିମୁଖ୍ୟକୁ ନେଇ ପ୍ରଶ୍ନ ଉଠାଇଛନ୍ତି।

କେବିକେ ପାଇଁ କେନ୍ଦ୍ର ସରକାର ଅନେକ ଯୋଜନା ବନ୍ଦ କରିବା ସହ ଅନୁଦାନ ବି ହ୍ରାସ କରିଥିଲେ। ଏହାକୁ ନେଇ କେନ୍ଦ୍ର ଉପରେ ଢେର ବର୍ଷିଥିଲା ବିଜେଡି। ସେହିପରି  ୯୦-୧୦ ଅନୁପାତରେ କେନ୍ଦ୍ରୀୟ ସ୍କିମ୍ ଅନୁଦାନ ଦେବାକୁ ରାଜ୍ୟ ଦାବି କରି ଆସୁଛନ୍ତି। ଏଭଳି ସ୍ଥିତିରେ କେନ୍ଦ୍ରର ପଛୁଆ ଜିଲ୍ଲା ବିକାଶ ଯୋଜନା କେତେ ସଫଳ ହେଉଛି ତା’ଉପରେ ନଜର ରହିଛି।

Previous ArticleNext Article

Send this to a friend