ବାଲେଶ୍ୱରରେ ଅଜଣା ରୋଗ ଆତଙ୍କ

balesore

ବାଲେଶ୍ୱର(ରଶ୍ମିରଞ୍ଜନ ଦାସ): ବାଲେଶ୍ୱର ଜିଲ୍ଲା ଭୋଗରାଇ ବ୍ଲକ୍ ନିମାତଗୁର ଗାଁରେ ‘ଅଜଣା’ ରୋଗର ଆତଙ୍କ ଖେଳିଯାଇଛି। ଗାଁର ୮ଜଣଙ୍କୁ ଭୀଷଣ ଜ୍ୱର ହେବା ସହ ପେଟ ବ୍ୟଥାର ଅଭିଯୋଗ ଆସିଛି। ପୂର୍ବରୁ ଗାଁର ଦୁଇ ଜଣ ଏପରି ଜ୍ୱରରେ ଆକ୍ରାନ୍ତ ହୋଇ ମୃତ୍ୟୁବରଣ କରିଥିବା ଗ୍ରାମବାସୀ କହିଛନ୍ତି। ବର୍ତ୍ତମାନ ଆକ୍ରାନ୍ତ ହୋଇଥିବା ବ୍ୟକ୍ତିଙ୍କୁ ଜିଲ୍ଲା ପ୍ରଶାସନ ସହାୟତାରେ ବାଲେଶ୍ୱର ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି।

ଏମାନେ ସମସ୍ତେ ଗୋଆରୁ ଫେରିବା ପରେ ସେହି ‘ଅଜଣା’ ରୋଗରେ ଆକ୍ରାନ୍ତ ହୋଇଥିବା ଜଣାପଡ଼ିଛି। ଏମାନେ ନିପା ଭାଇରସ୍‌ରେ ଆକ୍ରାନ୍ତ ହୋଇଥିବା ସନ୍ଦେହ କରାଯାଉଛି। ରକ୍ତ ନମୁନା ପରୀକ୍ଷା ପରେ ରୋଗ ନିରୂପଣ କରାଯାଇପାରିବ ବୋଲି ଡାକ୍ତର କହିଛନ୍ତି।

Previous ArticleNext Article

Send this to a friend