ଚଳନ୍ତା କାର୍ ଜଳିଗଲା

car

ଭୁବନେଶ୍ୱର (ଓଡ଼ିଶା ରିପୋର୍ଟର): ରାଜଧାନୀ ଭୁବନେଶ୍ୱରର ସମ୍‌ ହସ୍ପିଟାଲ୍ ଛକରେ ଏକ ଚଳନ୍ତା କାର୍ ଜଳିଯାଇଛି। ଜଣେ ରୋଗୀ ଓ ଦୁଇ ଜଣ ଆଟେଣ୍ଡାଣ୍ଟଙ୍କୁ ନେଇ ଆସୁଥିବା ବେଳେ କାର୍‌ଟିରେ ନିଆଁ ଲାଗି ଯାଇଥିଲା। ନିଆଁ ଲାଗିବାର କାରଣ ଜଣାପଡ଼ିନାହିଁ। ତେବେ କାର୍‌ ଭିତରେ ଥିବା ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି।

car1

ବାରମ୍ବାର ଘଟୁଛି ଏଭଳି ଘଟଣା 

ରାଜ୍ୟର ବିଭିନ୍ନ ସ୍ଥାନରେ ବାରମ୍ବାର ଏଭଳି ଘଟଣା ଦେଖିବାକୁ ମିଳୁଛି। କେଉଁଠି ଚଳନ୍ତା କାର ଜଳି ଯାଉଛି ତ କେଉଁଠି ଛିଡ଼ା ହୋଇଥିବା କାର ନିଆଁ ଧରୁଛି। ଗତ ମାସରେ ପୁରୀର ଚକ୍ରତୀର୍ଥ ବେଳାଭୂମିରେ ଏକ କାର୍‌ ଜଳି ଯାଇଥିଲା।  ଏକ ହୋଟେଲ ନିକଟରେ ପାର୍କିଂ କରାଯାଇଥିବା ଏକ ସରକାରୀ ଗାଡ଼ିରେ ବିଳମ୍ବିତ ରାତିରେ ନିଆଁ ଲାଗିଯାଇଥିଲା। ଗାଡିଟି ଜଳୁଥିବା ଅବସ୍ଥାରେ ଆପେ ଆପେ ଗଡ଼ି ଗଡ଼ି  ଯାଇ ଏକ ବିଦ୍ୟୁତ ଖୁଣ୍ଟରେ ପିଟି ହୋଇ ଅଟକି ଯାଇଥିଲା।

car
ଇସ୍କନ ମନ୍ଦିର ନିକଟରେ ଜଳିଥିବା କାର

ତା’ପୂର୍ବରୁ ମାର୍ଚ୍ଚ ମାସରେ ଭୁବନେଶ୍ୱରର ଇସ୍କନ୍ ମନ୍ଦିର ପାଖରେ ଏକ ଚଳନ୍ତା କାର୍‌ରେ ନିଆଁ ଲାଗିଯାଇଥିଲା।

ଗତ ବର୍ଷ ନଭେମ୍ବର ମାସରେ ବାରିପଦା ସହରର ଷ୍ଟେସନ‌ ବଜାରରେ ଛିଡା ହୋଇଥିବା ଏକ କାର୍‌ ଜଳିଯାଇଥିଲା।

ସେହିଭଳି ଗତବର୍ଷ ସେପ୍ଟେମ୍ବର ମାସ ୮ ତାରିଖରେ ଦୁଇଟି ଚଳନ୍ତା କାର ଜଳି ଯାଇଥିଲା। ଗୋଟିଏ କାର ଭୁବନେଶ୍ୱର-କଟକ ରାସ୍ତା ଫୁଲନଖରା ଫ୍ଲାଏଓଭର ବ୍ରିଜ୍  ଉପରେ ଜଳିଯାଇଥିଲା ଓ ଅନ୍ୟ କାର୍‌ଟି ନୂଆପଡ଼ା ଜିଲ୍ଲା କୋମନା ଥନା ଅନ୍ତର୍ଗତ ଉଦ୍ୟାନବନ୍ଧରେ ଜଳି ଯାଇଥିଲା।

୨୦୧୭ ଜୁନ୍ ମାସରେ ଭୁବନେଶ୍ୱରର ରସୁଲଗଡ଼ ଛକରେ ଏକ କାର୍‌ ଜଳି ଯାଇଥିଲା।

ତେବେ ଏଇ ସବୁ ଘଟଣାରେ କେହି ହତାହତ ହୋଇ ନଥିଲେ।

Previous ArticleNext Article

Send this to a friend