ଚାଷୀ ପିଇଦେଲେ କୀଟନାଶକ

farmer

ନୂଆପଡ଼ା(ଓଡ଼ିଶା ରିପୋର୍ଟର): ପୁଣି ଜଣେ ଚାଷୀ ଆତ୍ମହତ୍ୟା ଉଦ୍ୟମ କରିଥିବା ଅଭିଯୋଗ ହୋଇଛି। ସେ ହେଲେ ନୂଆପଡ଼ା ଜିଲ୍ଲା ସିନାପାଲି ଥାନା ଅନ୍ତର୍ଗତ ସରଧାପୁର ଗାଁର ଚାଷୀ ଧନୁର୍ଯ୍ୟ ରାଉତ। ସେ ତାଙ୍କ ୩ ଏକର ଜମିରୁ ୨ ଏକରରେ ଧାନ  ଓ ଦେଢ଼ ଏକରରେ କପା ଚାଷ କରିଥିଲେ। ତେବେ ସ୍ୱଳ୍ପ ବର୍ଷା ଯୋଗୁଁ ତାଙ୍କ ଫସଲ ନଷ୍ଟ ହୋଇଯାଇଥିଲା। ଏନେଇ ସେ କିଛି ଦିନ ହେବ ଚିନ୍ତାରେ ରହୁଥିଲେ।

ଗତକାଲି ସନ୍ଧ୍ୟାରେ ସେ କୀଟନାଶକ ପିଇ ଦେଇଥିଲେ। ତାଙ୍କୁ ଗୁରୁତର ଅବସ୍ଥାରେ ଡାକ୍ତଖାନାରେ ଭର୍ତ୍ତି କରାଯାଇଛି।

ସୂଚନାଯୋଗ୍ୟ, ନଭେମ୍ୱର ୨୪ ତାରିଖରେ ଗୋଟିଏ ଦିନରେ ବଲାଙ୍ଗିର ଜିଲ୍ଲାରେ ଦୁଇ ଜଣ ଚାଷୀ ଆତ୍ମହତ୍ୟା ଉଦ୍ୟମ କରିଥିଲେ। ପ୍ରଥମ ଘଟଣା ଘଟିଥିଲା ସଦର ବ୍ଲକ କୁଟୁମଢ଼ୁଲା ଗାଁର ଗୁପ୍ତେ ରଣା ନାମକ ଜଣେ ଚାଷୀ ଚକଡ଼ା ପୋକ ଲାଗି ଫସଲହାନୀ ହେବାରୁ ବିଷ ପିଇ ଆତ୍ମହତ୍ୟା ଉଦ୍ୟମ କରିଥିବା ଅଭିଯୋଗ ହୋଇଥିଲା ସେହିପରି ଟିଟିଲାଗଡ଼ ବ୍ଲକ ଶଗଡ଼ଘାଟ ପଞ୍ଚାୟତର ଶିଆଲଝୁଡୁଙ୍ଗି ଗାଁର କୁଦୋ ବାଗ୍ ନାମକ ଜଣେ ଚାଷୀ ଆତ୍ମହତ୍ୟା ଉଦ୍ୟମ କରିଥିବା ଅଭିଯୋଗ ହୋଇଥିଲା।

Previous ArticleNext Article

Send this to a friend