କମ୍‌ବ୍ୟାକ୍‌ କଲେ ବାବା: ଜେଲ ପରେ ନିଜ ଆଶ୍ରମକୁ ଫେରିଲେ ସୁର ବାବା

sura-baba,,

ଭୁବନେଶ୍ୱର(ଓଡ଼ିଶା ରିପୋର୍ଟର): ସୁର ବାବାଙ୍କ କମ୍‌ବ୍ୟାକ୍‌। ନିଜ ଆଶ୍ରମକୁ ଫେରିଲେ ସୁର ବାବା। ସୁପ୍ରିମକୋର୍ଟରୁ ଜାମିନ୍ ପାଇବା ଭୁବନେଶ୍ୱର ଉପକଣ୍ଠ ବାଳକାଟିରେ ଥିବା ତ୍ରାହି ଅଚ୍ୟୁତ ଆଶ୍ରମକୁ ଫେରିଛନ୍ତି ସୁର ବାବା ଓରଫ୍ ସୁରେନ୍ଦ୍ର ମିଶ୍ର। କିଛି ଦିନ ତଳେ ସୁପ୍ରିମକୋର୍ଟରୁ ଜାମିନ ପାଇ ଜେଲରୁ ମୁକୁଳିଥିଲେ ସୁର ବାବା।

୨୦୧୫ ଅଗଷ୍ଟ ୩୧ରେ ଗିରଫ ହୋଇଥିଲେ ସୁର ବାବା। ଏହାପରେ ସେହି ଆଶ୍ରମର କୋଟି କୋଟି ଟଙ୍କାର ସମ୍ପତ୍ତି ସହ ନଗଦ ଟଙ୍କା ପାଇଥିଲା ପୋଲିସ ଓ ଅର୍ଥନୈତିକ ଅପରାଧ ଶାଖା। ଯାହାକୁ ନେଇ ସାରା ରାଜ୍ୟରେ ହଇଚଇ ସୃଷ୍ଟି ହୋଇଥିଲା। ରାଜଧାନୀ ଉପକଣ୍ଠ ଝିଇଁଣ୍ଟି ଶାସନସ୍ଥିତ ତ୍ରାହି ଅଚ୍ୟୁତ ଆଶ୍ରମର ମୁଖ୍ୟ ସୁର ବାବା ଓରଫ ସୁରେନ୍ଦ୍ର ମିଶ୍ର, ତାଙ୍କ ଦୁଇ ପୁଅ ତ୍ରିଲୋଚନ ଓ ବିରଞ୍ଚିକୁ ପୁଲିସ୍ ଗତ ୨୦୧୫ରେ ଗିରଫ କରିଥିଲା। ଆଶ୍ରମ ନାମରେ ଜମି  ଜବରଦଖଲ,  ସମ୍ପତ୍ତି ହଡପ, ବେଆଇନ ଅସ୍ତ୍ରଶସ୍ତ୍ର ରଖିବା ଓ ମହିଳାଙ୍କୁ ବ୍ଲାକ୍‌ମେଲ କରି ଯୌନ ନିର୍ଯାତନା ଦେବା ଆଦି ବିଭିନ୍ନ ସଙ୍ଗିନ ଅଭିଯୋଗ ଥିଲା। ତେବେ ଆଶ୍ରମ ଚଢାଉ ବେଳେ ସେ ସମୟରେ ତ୍ରାହି ଅଚ୍ୟୁତ ଆଶ୍ରମରୁ ୨ଟି ପିସ୍ତଲ ଓ ୩ଟି ୯ଏମ୍ଏମ୍ ଗୁଳି ଜବତ ହୋଇଥିଲା। ମୋଟ୍ ୫ଟି ମାମଲା ରୁଜୁ ହୋଇ ଥିଲା।

 

 

 

 

 

Previous ArticleNext Article

Send this to a friend