ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
<p>ଭୁବନେଶ୍ୱର(ଓଡିଶା ରିପୋର୍ଟର): “ସକାଳ ୭ଟା ବେଳେ ସେ ଘରୁ ବାହାରିଥିଲି। ସବୁଦିନ ନ ହେଲେ ବି ମଝିରେ ମଝିରେ ଏଠାକୁ ଆସି ମୁଁ କାମ କରେ। ଆଜି ବି ସେମିତି ଆସିଥିଲି। ହେଲେ ପାଇପ୍‌ ଭିତରେ ଶିଉଳି ଥିବାରୁ ହାତ ଖସିଗଲା। ଆଉ ମୁଁ ପାଣି ମାଡ଼ରେ ଠେଲି ହୋଇଗଲି।”</p> <p>କଟକ ପୋଲିସ ସିଗ୍ନାଲ ମୁଖ୍ୟାଳୟ ନିକଟ ପାଇପରୁ ସୁରକ୍ଷିତ ଭାବେ ଉଦ୍ଧାର ହେବାପରେ ଗଣମାଧ୍ୟମକୁ ଏ କଥା କହିଛନ୍ତି ବୃଦ୍ଧ ପ୍ରାଣକୃଷ୍ଣ। ଆମ୍ୱୁଲାନ୍ସରେ ଚଢିବା ଆଗରୁ ତାଙ୍କୁ ଷ୍ଟ୍ରେଚରରେ ସଳଖ ଶୁଆଇ ନିଆଯାଉଥିବା ବେଳେ ଏହି କଥା ସେ କହିଛନ୍ତି।</p> <p>ସୂଚନାଯୋଗ୍ୟ, ସୂଚନାଯୋଗ୍ୟ, ଆଜି ସକାଳେ କଟକ ପୋଲିସ ସିଗ୍ନାଲ ମୁଖ୍ୟାଳୟ ନିକଟ ପାଇପରେ ଫସିଯାଇଥିଲେ ପ୍ରାଣକୃଷ୍ଣ ମୁଦୁଲି। ନାଳ ସଫା କରୁଥିବା ବେଳେ ପାଇପ ଭିତରକୁ ଠେଲି ହୋଇଯାଇଥିଲେ। ହଠାତ୍‌ ପାଣି ଖୋଲି ଦିଆଯିବାରୁ ଜଳସ୍ରୋତରେ ସେ ଠେଲି ହୋଇଯାଇଥିଲେ । ଉଦ୍ଧାର ପରେ ଆମ୍ବୁଲାନ୍ସ ଯୋଗେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।