ପୁରୀ: ବ୍ରହ୍ମ ବିଭ୍ରାଟ ପ୍ରସଙ୍ଗକୁ ନେଇ ଏକ ସପ୍ତାହ ଧରି ଚାଲିଥିବା ବିଜେପିର ଶ୍ରୀଜଗନ୍ନାଥ ସଂସ୍କୃତି ସୁରକ୍ଷା ଯାତ୍ରା ଆଜି ଶେଷ ହେବ। ଭୁବନେଶ୍ୱର ଉପକଣ୍ଠ ସୁଦର୍ଶନଙ୍କ ଦାରୁସ୍ଥଳ ଗଡ଼ଖୁଣ୍ଟୁଣିଆରେ ଏହି ଯାତ୍ରା ସରିବ। ଗତ ମାସ ୩୦ ତାରିଖରେ ପୁରୀରୁ ଆରମ୍ଭ ହୋଇଥିଲା ଶ୍ରୀଜଗନ୍ନାଥ ସଂସ୍କୃତି ସୁରକ୍ଷା ଯାତ୍ରା । ଦଳୀୟ ନେତାମାନେ ଏହି ସମୟରେ ପୁରୀ, ଖୋର୍ଦ୍ଧା, କଟକ, ଯାଜପୁର, ଭଦ୍ରକ, ବାଲେଶ୍ୱର, ମୟୂରଭଞ୍ଜ ଓ ନୟାଗଡ ଜିଲ୍ଲାର ବିଭିନ୍ନ ସ୍ଥାନକୁ ଯାଇ ପଥପ୍ରାନ୍ତ ସଭା କରିଥିଲେ। ସାତ ଦିନରେ ବିଜେପି ନେତାମାନେ ରଥ ସହ ୧୧ ଶହ କିଲୋମିଟର ପରିକ୍ରମା କରି ବ୍ରହ୍ମ ବିଭ୍ରାଟ ପ୍ରସଙ୍ଗରେ ଲୋକଙ୍କ ଦୃଷ୍ଟି ଆକର୍ଷଣ କରିବା ଲାଗି ଉଦ୍ୟମ କରିଥିଲେ। ରଥଯାତ୍ରା ସରିବା ପରେ ମଧ୍ୟ ଏହି ପ୍ରସଙ୍ଗକୁ ନେଇ ବିଜେପି ରାଜ୍ୟ ସରକାରଙ୍କ ବିରୋଧରେ ସ୍ୱର ଉତ୍ତୋଳନ ଜାରି ରଖିବ ବୋଲି କହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
