ପୀଡ଼ିତା ବଖାଣିଲେ ଅଶ୍ଲୀଳ ଆଚରଣର ଟ୍ରାଜେଡ଼ି , କହିଲେ ଜଣକ ପରେ ଜଣେ ଆସି ମୋ ସହିତ…  

malkangiri

ମାଲକାନଗିରି: ଅସଦାଚରଣର ଚକ୍ରବ୍ୟୂହରେ ପୁଣି ଜଣେ ନିରୀହ ଯୁବତୀ। ପ୍ରଥମେ ବ୍ଲାକମେଲିଂ ପରେ ନିର୍ଯାତନା ।  ନିଜର ପାଶବିକ ଚିତାର୍ଥ ମେଣ୍ଟାଇବାକୁ ଯାଇ ଯୌନ ପୀପାଶୁମାନେ କେତେ ନିଷ୍ଠୁର ଆଉ ନିର୍ଦ୍ଦୟ ହୋଇପାରନ୍ତି ତା’ର ନଗ୍ନ କାହାଣୀ ପୁଣି ଥରେ ନାରୀ ସୁରକ୍ଷାକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି। ଏମିତି ଏକ ସମ୍ବେଦନଶୀଳ ଘଟଣା ଉପାନ୍ତ ମାଲକାନଗିରି ଜିଲ୍ଲାରୁ ଆସିଛି। ଜଣେ ଛାତ୍ରୀଙ୍କୁ ଧମକ ଚମକ ଦେଇ କେମିତି ତା ଇଜ୍ଜତ ସହ ଖେଳାଯାଇଛି  ସେ ସବୁର ଗୋଟି ଗୋଟି ଚିତ୍ର ସେ ବଖାଣିଛନ୍ତି । ଗତ ୭ ତାରିଖରେ ପ୍ରାକ୍ଟିକାଲ କ୍ଲାସ ପାଇଁ କଲେଜ ଯାଉଥିବା ବେଳେ ୩ ଜଣ ଅଣଛାତ୍ର ତାଙ୍କୁ ଟେକି ନେଇ ଅସ୍‌ଦାଚରଣ କରିବା ସହ ଭିଡିଓ ରେକର୍ଡ଼ି କରିଥିବା ସମ୍ପୃକ୍ତ ଛାତ୍ରୀ ଜଣକ ଅଭିଯୋଗ ଆଣିଛନ୍ତି।  ମାଲକାନଗିରି ଜିଲ୍ଳା ଗୌବିନ୍ଦପାଲ୍ଲୀରେ ଜଣେ କଲେଜ ଛାତ୍ରୀଙ୍କୁ  ଏମିତି ନିର୍ଯାତନା ଦିଆଯାଇଥିବା ଅଭିଯୋଗ ହୋଇଛି।

ଗତ ୭ ତାରିଖରେ ପ୍ରାକ୍ଟିକାଲ କ୍ଲାସ ପାଇଁ କଲେଜ ଯାଉଥିବା ବେଳେ ୩ ଜଣ ଅଣଛାତ୍ର ତାଙ୍କୁ ଟେକି ନେଇ ଅସଦାଚରଣ କରିବା ସହ ଭିଡିଓ ରେକର୍ଡ଼ କରିଥିବା ଅଭିଯୋଗ ହୋଇଛି । ଏ ସମୟରେ ଛାତ୍ରୀଙ୍କୁ ଉଦ୍ଧାର କରିବାକୁ ଆସିଥିବା ଅଧ୍ୟାପକଙ୍କୁ ମଧ୍ୟ ସେମାନେ ଛାଡ଼ି ନ ଥିଲେ । ଘଟଣା ନେଇ କାହାକୁ ଜଣାଇଲେ ସୋସିଆଲ ମିଡିଆରେ ଭିଡିଓ ଭାଇରାଲ କରିଦେବା ସହ ପରିବାର ଲୋକଙ୍କୁ ମାରି ଦେବାକୁ ଧମକ ଦେଇଛନ୍ତି । ଛାତ୍ରୀ ଜଣକ ଅଭିଯୋଗ ଅନୁଯାୟୀ, ଗତ ୭ ତାରିଖରେ ସେ କ୍ଲାସ କରିଥିଲେ। ଗୋଟାଏ ୪୫ରେ କ୍ଲାସ ସରିଥିଲା। କ୍ଲାସ ସରିବା ପରେ ସେ ପ୍ରାକ୍ଟିକାଲ କ୍ଲାସ ଯାଇଥିଲେ। ତେବେ ଅଧାବାଟରୁ ତାଙ୍କ ବ୍ୟାଗଟି କ୍ଲାସ ରୁମରେ ଛାଡ଼ିଦେଇଥିବା ମନେ ପଡ଼ିଲା।

ତେଣୁ ସେ ପୁଣି ଉକ୍ତ କ୍ଲାସ ରୁମକୁ ଫେରିଲେ।  ଆଉ ବ୍ୟାଗ ନେଇ ଯାଉଥିବା ବେଳେ ୩ ଜଣ ଆସି ଜଣେ ତାଙ୍କ ହାତକୁ ମୁଡ଼ି ଧରିଲେ। ଆଉ ଜଣେ ଯୁବକ ମୁହଁରେ ରୁମାଲ ବାନ୍ଧି ତାଙ୍କୁ ଉକ୍ତ କ୍ଲାସ ରୁମକୁ ଟାଣିନେଲେ। ସେହି ରୁମରେ ତାଙ୍କୁ ପିଟାମରା କଲେ। ସେହି ସମୟରେ ଜଣେ ସାର ଆସି ଘଟଣାକୁ ବିରୋଧ କରିବା ସହ ଯୁବକଙ୍କୁ ଗାଳିଗୁଲଜ କରିଥିଲେ। ଏହି ସମୟରେ ଜଣେ ଯୁବକ ସାରଙ୍କ ବେକରେ ଚାକୁ ଲଗାଇ ସାରଙ୍କୁ ଡ୍ରେସ୍‌ ବାହାର କରିବାକୁ କହିଥିଲେ। ସାର ଖୋଲିଲେନି। ଡ୍ରେସ୍‌ ନବାହାର କରିବାରୁ ସେମାନେ ମାଡ଼ି ବିସ ମୋ ହାତକୁ କାଟିଦେଲେ।  ତା’ପରେ ସାର ବାଧ୍ୟ  ହୋଇ ଡ୍ରେସ୍‌ ଖୋଲିଦେଲେ। ପରେ ସାରଙ୍କୁ ଝିଅର ଡ୍ରେସ ବାହାର କରିବାକୁ ଧମକାଇଲେ। ସାର ଏକାମ ନ କରିବାରୁ ସେମାନେ ଗୋଟିଏ ଧକ୍କା ମାରିଲେ।

ପରେ ସାର ଭୟରେ ଆସି ତାଙ୍କ ଓଢଣିକୁ ଖୋଲିଲେ। ଏହି ସମୟରେ ଯୁବକମାନେ ଫଟୋ ଠାଇଲେ। ପରେ ସାର ସେମାନଙ୍କୁ ଧକ୍କା ମାରି ଖସିଗଲେ। ପରେ ୩ ଜଣ ଯୁବକ ଜଣକ ପରେ ଜଣେ ଆସି ମୋତେ ଅସଦାଚରଣ କଲେ।  ଜଣକ ପରେ ଜଣେ ଜବରଦସ୍ତ କିସ୍‌ କଲେ।  ଆଉ କାହାକୁ ଘଟଣା ବିଷୟରେ ନ କହିବାକୁ ଧମକ ଦେଲେ।  ଘଟଣା ପ୍ରଚାର କଲେ ହତ୍ୟା ଏବଂ ଫଟୋକୁ ସୋସିଆଲ ମିଡିଆରେ ଛାଡ଼ି ଦେବାକୁ ଧମକ ଦେଲେ। ଏହି ଘଟଣା ୭ ତାରିଖରେ ଘଟିଥିଲେ  ମଧ୍ୟ ପୋଲିସ ଜାଣିସୁଣି ଭୁଲ ଦର୍ଶାଇ ୯ ତାରିଖରେ ଘଟଣାକୁ ଦର୍ଶାଇଛି ବୋଲି ଛାତ୍ରୀ ଜଣକ ଅଭିଯୋଗ କରିଛନ୍ତି।  ଏନେଇ ପୀଡିତା ମାଥିଲି ଥାନାରେ ଅଭିଯୋଗ କରିଛନ୍ତି। ତେବେ ଏହି ଘଟଣାରେ ପୋଲିସ ତଦନ୍ତ ଆରମ୍ଭ କରିଛି।

Previous ArticleNext Article

Send this to a friend