ହାତୀ ପାଳିଲେ ହାତୀ ଦିବସ: ସଜ ହେଲେ, ସୁସ୍ୱାଦୁ ଫଳ ଖାଇଲେ

ଭୁବନେଶ୍ୱର: ଆଜି ବିଶ୍ୱ ହସ୍ତୀ ଦିବସ।  ସାରା ବିଶ୍ୱରେ ହାତୀ ବଂଶ ବୃଦ୍ଧି ଓ ସେମାନଙ୍କ ସୁରକ୍ଷା ପାଇଁ ପ୍ରତିବର୍ଷ ଅଗଷ୍ଟ ୧୨ ତାରିଖରେ ପାଳିତ ହେଉଛି ହସ୍ତୀ ଦିବସ। ଏହି ଅବସରରେ ନନ୍ଦନକାନନ ପ୍ରାଣୀ ଉଦ୍ୟାନରେ ସ୍ୱତନ୍ତ୍ର ଆୟୋଜନ କରାଯାଇଛି। ଗୌରୀ ଓ କମଳା ସମେତ ସମସ୍ତ ୭ ହାତୀଙ୍କୁ ସୁନ୍ଦର ଭାବେ ସଜା ଯାଇଛି। ଆଜି ହାତୀମାନଙ୍କୁ ସୁସଜ୍ଜିତ କରାଯିବା ସହ ସେଓ, କମଳା, ନଡ଼ିଆ, ତରଭୁଜ, କଦଳୀ ଓ ମକା ଆଦି ଖାଇବାକୁ ଦିଆଯାଇଛି।

ନନ୍ଦନକାନନର ନିର୍ଦ୍ଦେଶକ କହିଛନ୍ତି,“ଆମର ଏଠି ୭ଟି ହାତୀ ଅଛନ୍ତି। ସେମାନଙ୍କୁ ଆଜି ଗାଧୋଇ ପାଧୋଇ ସୁସଜ୍ଜିତ କରାଯାଇଛି। ସେମାନଙ୍କୁ ଖାଇବାକୁ ଦିଆଯାଇଛି। ଏହା ସହ ହାତୀମାନଙ୍କୁ ନନ୍ଦନକାନନ ତରଫରୁ  ଉପହାର  ମଧ୍ୟ ଦିଆଯାଇଛି। ସ୍କୁଲ ପିଲାଙ୍କୁ ନେଇ ଏକ ଚିତ୍ରାଙ୍କନ ପ୍ରତିଯୋଗିତା ହୋଇଥିଲା। ବିଜୟୀ ଛାତ୍ରଛାତ୍ରୀମାନଙ୍କୁ ପୁରସ୍କାର ପ୍ରଦାନ କରାଯାଇଛି।”

nandan1ନନ୍ଦନକାନନର ସହ ନିର୍ଦ୍ଦେଶ କୋମଳ ଲୋଚନ ପୁରୋହିତ କହିଛନ୍ତି,“ନନ୍ଦନକାନନରେ ସବୁ ବର୍ଷ ବିଶ୍ୱ ହସ୍ତୀ ଦିବସ ପାଳନ କରାଯାଉଛି। ନନ୍ଦନକାନନରେ ଏହା ଏକ ଉତ୍ସବ।  ଏହି ଅବସରରେ ଲୋକେ ହାତୀ ବିଷୟରେ କିଛି ଜାଣନ୍ତି ଓ ହାତୀକୁ ନିଜେ ଖାଇବାକୁ ଦିଅନ୍ତି। ଅନ୍ୟ ଦିନ ଗୁଡ଼ିକରେ ସାଧାରଣ ଲୋକେ ନନ୍ଦନକାନନରେ ଥିବା ହାତୀମାନଙ୍କୁ ଖାଇବାକୁ ଦେଇପାରନ୍ତି ନାହିଁ। କାରଣ ଏଥିପାଇଁ କଟକଣା ରହିଛି। ତେବେ ଆଜିର ଦିନରେ ସେମାନେ ହାତୀକୁ ଖୁଆବାକୁ ସୁଯୋଗ ପାଆନ୍ତି।”

ସେ କହିଛନ୍ତି,“ହାତୀ ଆମର ବନ୍ଧୁ। ହାତୀ ଆମର ଶତ୍ରୁ ନୁହେଁ। ଏକଥା ଲୋକଙ୍କୁ ଜଣାଇବା ପାଇଁ ହସ୍ତୀ ଦିବସ ପାଳନ କରାଯାଉଛି।”

ସେହିଭଳି ଚନ୍ଦକା ଡମପଡ଼ା ଅଭୟାରଣ୍ୟର ଗୋଡ଼ିବାରିଠାରେ ଆଜି ବିଶ୍ୱ ହସ୍ତୀ ଦିବସ ପାଳନ କରାଯାଉଛି। ଏହି ଅବସରରେ ନନ୍ଦନକାନନରୁ ଗୋଡ଼ିବାରି ପର୍ଯ୍ୟନ୍ତ ଏକ ସାଇକେଲ୍ ରାଲିର ମଧ୍ୟ ଆୟୋଜନ କରାଯାଇଛି।

 

Previous ArticleNext Article

Leave a Reply

Your email address will not be published. Required fields are marked *