ବିଜେପୁର ପ୍ରଚାର: ଦମ ଦେଖାଇଲା କଂଗ୍ରେସ

<p>ବରଗଡ଼(ଓଡ଼ିଶା ରିପୋର୍ଟର): ଉପ ନିର୍ବାଚନ ପାଇଁ ଉଠୁଛି ପଡୁଛି ବିଜେପୁର। ପ୍ରଚାର ପାଇଁ ଆଉ ହାତରେ ମାତ୍ର ୭ ଦିନ। ସେଥିପାଇଁ ଭୋଟରଙ୍କୁ ମନେଇବାକୁ ତିନି ରାଜନୈତିକ ଦଳ ସେମାନଙ୍କ ରଣକୌଶଳ ନେଇ ଭୋଟରଙ୍କୁ ଆକୃଷ୍ଟ କରିବାରେ ଲାଗିପଡିଛନ୍ତି। ଆଜି ବିଜେପି ପାଇଁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଙ୍ଗ ଧରିଥିବାବେଳେ, ସିଦ୍ଧାନ୍ତ ଥିଲେ ବିଜେଡିର ଷ୍ଟାର ଆଟ୍ରାକସନ। ସେପଟେ କଂଗ୍ରେସ କ୍ୟାମ୍ପରେ ଆଜି ସାମିଲ ହୋଇଥିଲେ ନିରଞ୍ଜନ, ଶ୍ରୀକାନ୍ତ, ଜୟଦେବଙ୍କ ସମେତ ବହୁ ହେଭିୱେଟ୍&zwnj; ନେତା।</p><p>ବରପାଲିରେ କଂଗ୍ରେସର ସାଧାରଣ ସଭାରେ ପ୍ରାର୍ଥୀ ପ୍ରଣୟ ସାହୁଙ୍କ ସହ ଏକାଠି ହୋଇଥିଲେ ଦଳର ହେବିୱେଟ୍&zwnj; ନେତା। ପ୍ରଚାର ଦୃଷ୍ଟିରୁ ପଛରେ ପଡିଥିବା କଂଗ୍ରେସ ଆଜି ଦଳର ବରିଷ୍ଠ ନେତାଙ୍କୁ ନେଇ ଦମ୍ ଦେଖାଇଛି। ପ୍ରଚାର ମୈଦାନରେ ସାମିଲ ହୋଇଥିଲେ ନିରଞ୍ଜନ ପଟ୍ଟନାୟକ, ଜୟଦେବ ଜେନା ଓ ଶ୍ରୀକାନ୍ତ ଜେନାଙ୍କ ଭଳି ବହୁ ବରିଷ୍ଠ ନେତା। ସେମାନେ ଦଳୀୟ ପ୍ରାର୍ଥୀ ପ୍ରଣୟ ସାହୁଙ୍କ ପାଇଁ ପ୍ରଚାର ଜୋରଦାର କରିଥିଲେ। ବରପାଲି ବ୍ଲକରୁ ଉଭୟ ବିଜେପି ଓ ବିଜେଡି ପ୍ରାର୍ଥୀ ହୋଇଥିବାରୁ କଂଗ୍ରେସ ଏଠି ସ୍ୱତନ୍ତ୍ର ଫୋକସ୍&zwnj; ଦେଇଛି।</p><p>ବିଜେପି ପ୍ରାର୍ଥୀ ଅଶୋକ ପାଣିଗ୍ରାହୀଙ୍କ ପାଇଁ ଦ୍ୱିତୀୟ ଥର ଲାଗି ପ୍ରଚାରର ମଙ୍ଗ ଧରିଥିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଆଜି ଗାଇସିଲାଟ ବ୍ଲକର ବିଭିନ୍ନ ସ୍ଥାନରେ ନିର୍ବାଚନୀ ପ୍ରଚାର ସହ ସଭା ସମିତି ଏବଂ ରୋଡ୍ ଶୋ&rsquo; କରିଥିଲେ ଧର୍ମେନ୍ଦ୍ର। ବିଜେପୁରବାସୀଙ୍କୁ ନବୀନ ସରକାରଙ୍କ ବିଫଳତା ଗଣାଇବା ସହ ରାଜ୍ୟ ସରକାରଙ୍କୁ ଟାର୍ଗେଟ କରିଥିଲେ ଧର୍ମେନ୍ଦ୍ର।</p><p>ବିଜେଡିର ହାଇ ପ୍ରୋଫାଇଲ କ୍ୟାମ୍ପେନ ବି ଜାରି ରହିଛି। ସିନେ ସେଲିବ୍ରିଟିଙ୍କୁ ଆୟୁଧ କରି ପ୍ରଚାର କରିବା ଧାରାରେ ଆଜି ସାମିଲ ହୋଇଥିଲେ ଷ୍ଟାର କ୍ୟାମ୍ପେନର ସିଦ୍ଧାନ୍ତ ମହାପାତ୍ର। ଘର ଘର ବୁଲି ଦଳୀୟ ପ୍ରାର୍ଥୀ ରୀତା ସାହୁଙ୍କ ପାଇଁ ଭୋଟ ମାଗିଥିଲେ ଅଭିନେତାରୁ ସାଂସଦ ହୋଇଥିବା ସିଦ୍ଧାନ୍ତ।</p><p>ସେପଟେ ଉପନିର୍ବାଚନକୁ ନିରପେକ୍ଷ ଓ ଶାନ୍ତିଶୃଙ୍ଖଳାର ସହ କରିବା ପାଇଁ ଆଜି ବରଗଡ଼ ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଏକ ସର୍ବଦଳୀୟ ବୈଠକ ବସିଥିଲା। ସବୁ ଦଳର ନେତାମାନେ ଏହି ବୈଠକରେ ସାମିଲ ହୋଇଥିଲେ। ଆଦର୍ଶ ଆଚରଣ ବିଧି ସୀମା ମଧ୍ୟରେ ରହି ସମସ୍ତ କାର୍ଯ୍ୟ କରିବା ସହ କୌଣସି ଅପ୍ରୀତିକର ଘଟଣା ଯେପରି ନଘଟେ ସେଥିପାଇଁ ନୂଆ କରି ଯୋଗ ଦେଇଥିବା ଜିଲ୍ଲାପାଳ ରାଜନୈତିକ ଦଳଙ୍କୁ ପରାମର୍ଶ ଦେଇଥିଲେ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।