ବିଜେଡିର ବିଜୁ କାର୍ଡ଼: ଉନ୍ମୋଚନ ହେବ କଳିଙ୍ଗପୁତ୍ରଙ୍କ ଫଟୋ ସମ୍ୱଳିତ ପୁସ୍ତକ, ଆସିବେ ଜାତୀୟ ନେତା

ଭୁବନେଶ୍ୱର(ଓଡ଼ିଶା ରିପୋର୍ଟର): ପୁଣି ବିଜୁ କାର୍ଡ ଖେଳିବେ ନବୀନ ପଟ୍ଟନାୟକ। ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ସ୍ୱପ୍ନ ସାକାର କରିବା କହି ୧୭ ବର୍ଷ କ୍ଷମତାରେ ଥିବା ନବୀନ ପଟ୍ଟନାୟକ ପୁଣି ବିଜୁଙ୍କ ଉପରେ ଭରସା କରିବେ। ଆସନ୍ତା ୨୭ ତାରିଖରେ ପ୍ରବାଦପୁରୁଷ ବିଜୁ ପଟ୍ଟନାୟକଙ୍କ ଫଟୋ ଭିତ୍ତିକ ଜୀବନୀ ବହି  ଉନ୍ମୋଚନ ଉତ୍ସବରେ ଏକାଠି ହେବେ ସବୁ ଦଳର ଜାତୀୟ ସ୍ତରର ହେଭିୱେଟ୍ ନେତା। ରାଜ୍ୟର ସବୁ ଦଳର ନେତାମାନଙ୍କୁ ମଧ୍ୟ ଏହି କାର୍ଯ୍ୟକ୍ରମକୁ ଡକାଯିବ।

ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଫୋଟ ଭିତ୍ତିକ ବହିକୁ ନେଇ ଚର୍ଚ୍ଚା। ବିଜୁ ପଟ୍ଟନାୟକଙ୍କ ଉପରେ ଗବେଷଣା କରୁଥିବା ସୁଦର୍ଶନ ଗଣେସନ୍ ଏହି ବହିକୁ ସଙ୍କଳନ କରିବା ସହ ଲେଖିଛନ୍ତି। ଆସନ୍ତା ୨୭ ତାରିଖରେ ଏହି ବହିକୁ  ଉନ୍ଣୋଚନ କରାଯିବ।  ଏହି ଉତ୍ସବ ପାଳନ ପାଇଁ ବିଜୁ ଜନ୍ଣଶତବାର୍ଷିକୀ କମିଟି ପକ୍ଷରୁ ବ୍ୟାପକ ଆୟୋଜନ କରାଯାଇଛି। ଏଥିରେ ଯୋଗଦେବେ ସବୁ ଦଳର ଜାତୀୟ ସ୍ତରୀର ହେବିୱେଟ ନେତା। ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ, ବିଜେପିର ମାର୍ଗଦର୍ଶକ ତଥା ବରିଷ୍ଠ ନେତା ଲାଲକୃଷ୍ଣ ଆଡଭାନୀ, ସିପିଆଇଏମ୍‌ ମୁଖ୍ୟ ସୀତାରାମ ୟେଚୁରୀ ଓ ପୂର୍ବତନ ପ୍ରଧାନମନ୍ତ୍ରୀ ଏଚ୍.ଡି ଦେବେ ଗୌଡା ସମେତ ଅନ୍ୟ ଦଳର ନେତାମାନେ ଏଥିରେ ଯୋଗଦେବାର କାର୍ଯ୍ୟକ୍ରମ ରହିଛି। ସେପଟେ ରାଜ୍ୟରେ ମଧ୍ୟ ସବୁ ଦଳର ନେତାଙ୍କୁ ଆମନ୍ତ୍ରଣ କରାଯିବ ବୋଲି ବିଜେଡି ଉପସଭାପତି ସୂର୍ଯ୍ୟନାରାୟଣ ପାତ୍ର କହିଛନ୍ତି।

ଜାତୀୟ ସ୍ତରର ନେତାମାନଙ୍କୁ ନେଇ ଏଭଳି କାର୍ଯ୍ୟକ୍ରମ ଆୟୋଜନ ପଛରେ ନବୀନଙ୍କ କଣ ଉଦ୍ଦ୍ୟେଶ ରହିଛି, ତାକୁ ନେଇ ଚର୍ଚ୍ଚା ଲାଗି ରହିଛି। ଜାତୀୟ ସ୍ତରରେ ହେଭିୱେଟ୍ ନେତାମାନଙ୍କୁ ଗୋଟିଏ ମଂଚରେ ଏକାଠି କରି କଣ ବାର୍ତ୍ତା ଦେବାକୁ ଚାହୁଁଛନ୍ତି ନବୀନ? ଏହା ନୂଆ ରାଜନୈତିକ ସମୀକରଣର ଇସାର ନୁହେଁ ତ? ତେବେ ପଂଚାୟତ ନିର୍ବାଚନରେ ବିଜେଡିକୁ ଝଟକା ପରେ ପୁଣି ନବୀନ ବିଜୁ ଲିସାଗି ଉପରେ ଭରସା କରିଥିବା କୁହାଯାଉଛି। ଜାତୀୟ ରାଜନୀତିରେ ନବୀନଙ୍କ ପ୍ରଭାବ, ସବୁ ଦଳର ବରିଷ୍ଠ ନେତାଙ୍କ ସହ ସଂପର୍କ  ଦେଖାଇବାକୁ ଏହି କାର୍ଯ୍ୟକ୍ରମ ବୋଲି ବି ଚର୍ଚ୍ଚା ହେଉଛି।

Previous ArticleNext Article

Send this to a friend