ସରିଲା ମହିଳା ସୁରକ୍ଷା ଯାତ୍ରା, ପୋଲିସ୍‌ ଉପରେ ଅଭିଯୋଗ ଆଣିଲା ବିଜେପି

ଭୁବନେଶ୍ୱର(ଓଡ଼ିଶା ରିପୋର୍ଟର): ମହିଳା ସଂପର୍କିତ ଅପରାଧରେ ସବୁ ଥାନାରେ ଏଫଆଇଆର ଗ୍ରହଣ କରାଯାଉନି। ଶାସକ ଦଳର ହାତବାରିସି ସାଜି ତଦନ୍ତ କରୁନାହାନ୍ତି ପୋଲିସ ଅଧିକାରୀ। ବିଜେପି ମହିଳା ସୁରକ୍ଷା ଯାତ୍ରା ଶେଷ କରିବା ପରେ ଆଜି ଏକ ସାମ୍ବାଦିକ ସମ୍ମିଳନୀରେ ଏଭଳି ଅଭିଯୋଗ ଆଣିଛନ୍ତି ବିଜେପି ସଭାନେତ୍ରୀ ପ୍ରଭାତୀ ପରିଡ଼ା।

ସେ କହିଛନ୍ତି,“ମହିଳା ସୁରକ୍ଷା ଯାତ୍ରାରେ ୧୪୭ ବିଧାନସଭା କ୍ଷେତ୍ରକୁ ଯାଇଥିଲୁ। ୨୧୩ଟା ପଥପ୍ରାନ୍ତ ସଭା,୧୫୫ଟି ସାଧାରଣ ସଭା କରିଛୁ। ଏହି ପଦ ଯାତ୍ରାରେ ମୋଟ ୧୦ ହଜାର ୫୪୬ କି.ମି. ବୁଲିବା ସହ ୩ ଲକ୍ଷ ୬୦ ହଜାର ମହିଳାଙ୍କ ସଂପର୍କରେ ଆସିଛୁ। ଆଉ ଜାଣିବାକୁ ପାଇଛୁ ରାଜ୍ୟରେ ରାଜ୍ୟରେ ମହିଳାମାନେ ସୁରକ୍ଷିତ ନୁହନ୍ତି।”

ବିଜେପି ମହିଳା ମୋର୍ଚ୍ଚା ପକ୍ଷରୁ ୧୧ଦିନ ଧରି ମହିଳା ସୁରକ୍ଷା ଯାତ୍ରା ଚାଲିବା ପରେ ୨୭୨ଟି ଥାନା ବିରୋଧରେ ସଙ୍ଗୀନ ଅଭିଯୋଗ ଆଣିଛନ୍ତି ପ୍ରଭାତୀ।

ଅନ୍ୟପକ୍ଷରେ ଏହାର ଜବାବ ରଖିଛି ବିଜେଡି। ବିଜେଡି ମୁଖପାତ୍ର ସୁଲଚନା ପାତ୍ର କହିଛନ୍ତି,“ମହିଳାଙ୍କୁ ଦୁଷ୍କର୍ମ କ୍ଷେତ୍ରରେ ପୋଲିସ ସମ୍ବେଦନନଶୀଳ ଭାବରେ କେସ୍‌ ତଦାରଖ କରୁଛି। ଅଯଥା ଅଭିଯୋଗ କରିବା ଅପେକ୍ଷା ବିଜେପି ମହିଳା ମୋର୍ଚ୍ଚ ହେଉ ବା ଯେକୌଣସି ବିରୋଧୀ ଦଳ ହୁଅନ୍ତୁ ପୋଲିସକୁ ସହଯୋଗ କରିବା ଉଚିତ।”

 

 

 

Previous ArticleNext Article

Send this to a friend