ବମିଖାଲ ଓଭର ବ୍ରିଜ୍‌ ଭୁଶୁଡ଼ିବା ଘଟଣା: ପ୍ରତାପଙ୍କ ଜାମିନ ଆବେଦନ ଖାରଜ

ଭୁବନେଶ୍ୱର(ଓଡ଼ିଶା ରିପୋର୍ଟର): ପଣ୍ଡା ଇନଫ୍ରା ପ୍ରୋଜେକ୍ଟ ମାଲିକ ପ୍ରତାପ କିଶୋର ପଣ୍ଡାଙ୍କ ଜାମିନ ଆବେଦନ ଖାରଜ ହୋଇଛି। ଗତକାଲି ଭୁବନେଶ୍ୱର SDJM କୋର୍ଟରେ ତାଙ୍କ ଜାମିନ ଆବେଦନ କରାଯାଇଥିଲା। ବମିଖାଲ ଓଭର ବ୍ରିଜ ଦୁର୍ଘଟଣାରେ ତାଙ୍କର ସିଧାସଳଖ ସଂପୃକ୍ତି ନଥିବା ଏବଂ ସ୍ୱାସ୍ଥ୍ୟଗତ ଦୃଷ୍ଟିରୁ ତାଙ୍କୁ ଜାମିନ ଦେବା ଲାଗି ତାଙ୍କ ଓକିଲ ନିବେଦନ କରିଥିଲେ।

ପ୍ରତାପଙ୍କ ବିରୋଧରେ ୩୦୪ ଦଫା ଲାଗିଥିବାରୁ ଉପର କୋର୍ଟ ମାମଲାର ବିଚାର କରିବେ ବୋଲି କୋର୍ଟ କହିଥିଲେ। ତାଙ୍କ ସ୍ୱାସ୍ଥ୍ୟାବସ୍ଥା ଖରାପ ଥିବାରୁ ସେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସା ପାଇଁ ନିବେଦନ କରିଥିବା ବେଳେ ତାଙ୍କ ସ୍ୱାସ୍ଥ୍ୟାବସ୍ଥା ସମ୍ପର୍କରେ ଝାରପଡ଼ା ଜେଲର ଡାକ୍ତର ୭ ତାରିଖ ମଧ୍ୟରେ ଏକ ରିପୋର୍ଟ ଦେବାକୁ କୋର୍ଟ କହିଛନ୍ତି।

ନିର୍ମାଣାଧୀନ ବମିଖାଲ ଓଭର ବ୍ରିଜ୍‌ ଦୁଇ ଦିନ ତଳେ ଦ୍ୱିତୀୟ ଥର ପାଇଁ ଦୁର୍ଘଟଣା ଘଟି ଜଣେ ଶ୍ରମିକଙ୍କ ମୃତ୍ୟୁ ହେବାରୁ ଠିକା ସଂସ୍ଥା ପଣ୍ଡା ଇନଫ୍ରାର ପ୍ରୋଜେକ୍ଟ ମାଲିକ ପ୍ରତାପ କିଶୋର ପଣ୍ଡାଙ୍କୁ ପୋଲିସ ଗିରଫ କରିଥିଲା।  ଏବେ ସେ ଭୁବନେଶ୍ୱର ଝାରପଡ଼ା ଜେଲରେ ଅଛନ୍ତି।

Previous ArticleNext Article

Send this to a friend