ବୌଦ୍ଧ ଧର୍ମ ଗ୍ରହଣ କଲେ ବିଧାୟକ କୃଷ୍ଣଚନ୍ଦ୍ର: ଜାଣନ୍ତୁ କିଏ ଦେଲେ ଦୀକ୍ଷା

କୋରାପୁଟ(ଓଡ଼ିଶା ରିପୋର୍ଟର): ବୌଦ୍ଧ ଧର୍ମ ଗ୍ରହଣ କରିଛନ୍ତି କୋରାପୁଟ ବିଧାୟକ କୃଷ୍ଣଚନ୍ଦ୍ର ଶଗରିଆ। ତ୍ରିଶରଣ, ପଞ୍ଚଶୀଳ ଶିକ୍ଷା ଓ ଶପଥ ପାଠ ପରେ ନିଜ ପରିବାର ସହ ସେ ବୌଦ୍ଧ ଧର୍ମ ଗ୍ରହଣ କରିଛନ୍ତିା ବିଧାୟକ କୃଷ୍ଣ ଶଗରିଆଙ୍କ ସହ ୧୦୦ ପରିବାର ବୌଦ୍ଧ ଧର୍ମ ଗ୍ରହଣ କରିଛନ୍ତି।

ଛତିଶଗଡ଼ରୁ ଆସିଥିବା ଭୋନତେ ବୁଦ୍ଧ ଘୋଷ ସମସ୍ତଙ୍କୁ ଦୀକ୍ଷାଦାନ କରିଥିଲେ। ବିଧାୟକଙ୍କ ଗାଁ ବୁର୍ଜାରେ ଧର୍ମକ୍ରାନ୍ତି ସମାରୋହର ଆୟୋଜନ ହୋଇଥିଲା। ଏହି କାର୍ଯ୍ୟକ୍ରମରେ ଅବିଭକ୍ତ କୋରାପୁଟ ଜିଲ୍ଲାରୁ ଶତାଧିକ ସଂଖ୍ୟାରେ ଶ୍ରଦ୍ଧାଳୁ ସାମିଲ ହୋଇଥିଲେ।  ଉତ୍ସବରେ ଛତିଶଗଡ଼ର ରାୟପୁର ଏବଂ ମହାରାଷ୍ଟ୍ରର ନାଗପୁର ଅଞ୍ଚଳରୁ ଅନେକ ବୌଦ୍ଧ ଭିକ୍ଷୁ ଯୋଗ ଦେଇଥିଲେ।

ସୂଚନାଯୋଗ୍ୟ, ଦୁଇ ଦିନ ତଳେ ଧର୍ମ ପରିବର୍ତ୍ତନ କରିବେ ବୋଲି କୋରାପୁଟର କଂଗ୍ରେସ ବିଧାୟକ କୃଷ୍ଣଚନ୍ଦ୍ର ଶଗରିଆ କହିଥିଲେ। ଧର୍ମ ପରିବର୍ତ୍ତନ ନେଇ ପୂର୍ବରୁ ସତ୍ୟପାଠ କରିସାରିଛନ୍ତି କୃଷ୍ଣ। କୋରାପୁଟ ଏକ୍‌ଜିକ୍ୟୁଟିଭ୍ ମାଜିଷ୍ଟ୍ରେଟଙ୍କ ପାଖରେ ସେ ଓ ତାଙ୍କ ପରିବାର ଲୋକେ ସତ୍ୟପାଠ କରିଥିଲେ।

 

Previous ArticleNext Article

Send this to a friend