‘ଛେର୍‌ ଛେରା’ରେ କମ୍ପୁଛି ସୁବର୍ଣ୍ଣପୁର: ନିଆରା ରୀତିନୀତି

subanapur

ସୁବର୍ଣ୍ଣପୁର (ଓଡ଼ିଶା ରିପୋର୍ଟର): ଆଜି ପୌଷ ପୂର୍ଣ୍ଣିମା। ଏଥିପାଇଁ ଚଳଚଞ୍ଚ ହୋଇପଡ଼ିଛି ପଶ୍ଚିମ ଓଡ଼ିଶାର ପୂରପଲ୍ଲୀ। ଘରେ ଘରେ ଚାଲିଛି ପିଠା ପଣାର ଆସର। ଆମେ ବାର ମାସକୁ ତେର ଯାତ ପାଳନ କରିଥାଉ, ସେଥି ମଧ୍ୟରୁ ପଶ୍ଚିମ ଓଡ଼ିଶାବାସୀଙ୍କ ‘ଛେର୍‌ ଛେରା’ ପର୍ବ ଗୋଟିଏ । ଏହାର ରୀତିନୀତି ମଧ୍ୟ  ନିଆରା। ଏହି ଦିନରେ ଲୋକେ ‘ଛେର୍ ଛେରା’ ମାଗିବାର ପରମ୍ପରାରେ ରହିଛି।

ପ୍ରତିବର୍ଷ ପଶ୍ଚିମ ଓଡ଼ିଶାର ଗାଁ ଗାଁରେ ପାଳନ ହୋଇଆସୁଛି ପୁଷ ପୁନେଇ। ଏହି ପୁଷ ପୁନେଇ ପର୍ବ ଭିତରେ  ଛେର୍ ଛେରା ପର୍ବ ସୁବର୍ଣ୍ଣପୁରର ଲୋକ ସଂସ୍କୃତିକୁ ବାନ୍ଧି ରଖିଛି । ଛେର୍ ଛେରା କହିଲେ ଗାଁ ଦାଣ୍ଡରେ ଘରଘର ବୁଲି ପୀଠା ପଣା, ଧାନ ଓ ପଇସା ମାଗିବାର ଏକ ମୁକ୍ତ ଲୋକ ସଂସ୍କୃତିକୁ ବୁଝାଯାଏ। ଆଜି ବି ସୁବର୍ଣ୍ଣପୁର ଜିଲ୍ଲାର ଗାଁ ଗହଳିରେ ଗ୍ରାମୀଣ କଳାକାରମାନେ ଢୋଲ ମହୁରୀ ବଜାଇ ଛେର୍ ଛେରା ପର୍ବରେ ଘର ଘର ବୁଲିଥାନ୍ତି। ଏହି ସମୟରେ ବୁଢା ବୁଢୀକୁ ଥଟ୍ଟା ପରିହାସ କରି ଗୀତ ମଧ୍ୟ ଗାଇଥାନ୍ତି। କୁହାଯାଉଥିବା ଢଗ ଢମାଳୀରେ ସାନବଡର ଭେଦଭାବ ନଥାଏ ।

ସାଧାରଣତଃ ଧାନ ଅମଳ ହେବା ପରେ ପାଚିଲା ଧାନରେ ଯେତେବେଳେ କ୍ଷେତ ପୂରି ଉଠେ ସେତିକି ବେଳେ ହିଁ  ଗାଁ ଗାଁରେ ପୁଷ୍ ପୁନେଇ ପାଳନ କରିଥାନ୍ତି।

Previous ArticleNext Article

Send this to a friend