ରାଜଧାନୀରେ ପ୍ରତି ୪ ମିନିଟରେ ମିଳିବ ସିଟି ବସ୍‌

nn

ଭୁବନେଶ୍ୱର (ଓଡ଼ିଶା ରିପୋର୍ଟର): ଭୁବନେଶ୍ୱରରେ ଯାତ୍ରୀଙ୍କ ପାଇଁ ଖୁସି ଖବର। ରାଜଧାନୀରେ ପ୍ରତି ୪ ମିନିଟରେ ମିଳିବ ସିଟି ବସ୍‌ ସେବା। ଏଥିପାଇଁ ସହରରେ ଆଉ ୨ଶହ ନୂଆ ସିଟି ବସ୍‌ ସେବାରେ ଲାଗିବ। ଏହା ମଧ୍ୟରେ ରହିଛି ୫୦ଟି ‌ଏସି ବସ୍। ମୁଖ୍ୟ ରାସ୍ତାରେ ପ୍ରତି ୪ମିନିଟରେ ସିଟି ବସ୍ ଚାଲିବାକୁ ଥିବା ବେଳେ ଅଦଳବଦଳ ଭାବେ ଗୋଟିଏ‌ ଏସି ପରେ ଗୋଟିଏ ନନ୍ ଏସି ବସ୍ ଚାଲିବ।

ଏବେ ରାଜଧାନୀରେ ୧୧୦ଟି ସିଟି ବସ୍‌ ଚାଲିଛି। ଆଉ ୨୦୦ଟି ନୂଆ ବସ୍‌ ଚାଲିବାରେ ପରେ ସିଟି ବସ୍‌ ସଂଖ୍ୟା ୩୧୦ରେ ପହଞ୍ଚିବ।  ଏହି ବର୍ଷ ଭୁବନେଶ୍ୱରରେ ଅନୁଷ୍ଠିତ ହେବାକୁ ଥିବା ହକି ବିଶ୍ୱ କପ ପୂର୍ବରୁ ଏହି ସୁବିଧା ପାଇବେ ରାଜଧାନୀବାସୀ।  ଭୁବନେଶ୍ୱର ଓ ଏହାର ନିକଟବର୍ତ୍ତୀ ଅଞ୍ଚଳରେ ଏହି ବସ୍ ଚାଲିବା ପାଇଁ ଯୋଜନା ଥିବା ବେଳେ କେଉଁ ରୁଟ୍‌ରେ କେତେ ବସ୍‌ ଚାଲିବ ପରେ ନିଷ୍ପତ୍ତି ନିଆଯିବ। ଏହି ବସ୍‌ ସେବାର ସୁପରିଚାଳନା ପାଇଁ ୩ ଟି ସଂସ୍ଥାକୁ ଦାୟିତ୍ୱ ଦିଆଯିବ।

ଗତକାଲି ସଚିବାଳୟରେ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ଷମତା ସମ୍ପର୍ଣ ବୈଠକ ପରେ ଏହି ସୂଚନା ଦେଇଛନ୍ତି ବିଏମସି କମିଶନର କ୍ରିଷନ କୁମାର।

Previous ArticleNext Article

Send this to a friend