ବଲାଙ୍ଗିର (ସସ୍ମିତା ସାହୁ): କେତେବେଳେ ଦୁଲଦୁଲିରେ ଦୁଲିକିଯାଉଛି ତ ପୁଣି କେତେବେଲେ ଘୁଡୁକା ବାଦ୍ୟରେ କମ୍ପୁଛି ମଞ୍ଚ। ରାଜ୍ୟ ବାହାର ତଥା ସ୍ଥାନୀୟ କଳାକାରଙ୍କ ଲୋକନୃତ୍ୟ ଓ ଗୀତରେ ମସଗୁଲ ହେଉଛନ୍ତି ଦର୍ଶକ। ବଲାଙ୍ଗିର ଦୁଲଦୁଲି କଳାପରିଷଦ ଦ୍ୱାରା କୋଶଳ କଳାମଣ୍ଡଳ ପଡିଆ ଆୟୋଜିତ ଲୋକକଳା ଉତ୍ସବର ଉଦଯାପନୀ ସନ୍ଧ୍ୟରେ ଏପରି ଦେଖିବାକୁ ମିଳିଥିଲା।
ଗତ ୧୪ ତାରିଖ ସନ୍ଧ୍ୟାରେ ସାଂସ୍କୃତିକ ଶୋଭାଯାତ୍ରା ହୋଇଥିଲା। ୧୫, ୧୬ ଓ ୧୭ ତାରିଖ ତିନି ଦିନ ଧରି ସାଂସ୍କୃତିକ କାର୍ଯ୍ୟକ୍ରମ ହୋଇଥିଲା। ଭାରତ ସରକାର, ଓଡ଼ିଶା ସରକାରଙ୍କ ସଂସ୍କୃତି ମନ୍ତ୍ରଣାଳୟ ଓ ବଲାଙ୍ଗିର ଜିଲ୍ଲା ପ୍ରଶାସନ ସହାୟତାରେ ଏହି ଉତ୍ସବ ହୋଇଥିଲା। ପ୍ରତ୍ୟକ ସନ୍ଧ୍ୟାରେ ମଣିପୁର, ମିଜୋରାମ, ଆସାମ, ପଶ୍ଚିମବଂଗ କଳାକାରଙ୍କ ଦ୍ୱାରା ଲୋକନୃତ୍ୟ ପରିବେଷଣ କରାଯାଇଥିଲା। ଉଦଯାପନୀ ଉତ୍ସବରେ ମୁଖ୍ୟଅତିଥି ଭାବେ ଜିଲ୍ଲାପରିଷଦ ଅଧ୍ୟକ୍ଷା ଭାରତୀ ମହାନନ୍ଦ ଯୋଗଦେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।